ઈકો ફ્રેન્ડલી ગણેશનો વિચાર લોકોને આકર્ષી રહ્યો છે

ગણેશોત્સવ નજીક આવી રહ્યો છે, ત્યારે આયોજકો હવે તૈયારીમાં લાગી ગયા છે. આ વર્ષે ઈકો ફ્રેન્ડલી ગણેશનો વિચાર લોકોને આકર્ષી રહ્યો છે. જેને કારણે પ્રાકૃતિક માટીના ગણેશજીની મૂર્તિની માગ વધી છે.

મહારાષ્ટ્રમાં ગણેશોત્સવ ભારે ધામધૂમ અને ભક્તિભાવથી ઉજવાય છે. ગણેશની નાની મૂર્તિઓથી લઈને 30 ફૂટ સુધીની મૂર્તિઓ લોકો પસંદગી મુજબ ખરીદે છે. આમ તો મોટેભાગે પ્લાસ્ટર ઓફ પેરિસની મૂર્તિઓ વધુ બને છે. જો કે તે પ્રદુષણ માટે ખતરારૂપ હોવાથી આ વર્ષે લોકો પ્રાકૃતિક માટીની મૂર્તિનું સ્થાપન કરવા જાગૃત થયા છે. મૂર્તિકોરોનું કહેવું છે, આ વર્ષે માટીના ગણેશજીની મૂર્તિની માગ વધી છે. ગણેશ મહોત્સવમાં માટીની મૂર્તિઓની પરંપરા છે, પરંતુ આ કામમાં બહુ ઓછા કારીગરો જોડાયેલા છે. કેમકે આવી મૂર્તિઓ બનાવવાની પદ્ધતિ લાંબી છે. અને તેનું વેચાણ પણ લિમિટેડ છે.

ઈકો ફ્રેન્ડલી ગણપતિ પાણીમાં તરત જ ઓગળી જાય છે. અને પર્યાવરણને નુકશાનકર્તા નથી. જોકે સરકાર ઘણા સમયથી આવી મૂર્તિઓનો ઉપયોગ કરવા પ્રયાસો કરી રહી છે. ત્યારે હવે બોલીવુડના જાણીતા ચહેરા વિધ્નહર્તાની માટીની મૂર્તિની પૂજા કરી લોકોને પ્રેરણારૂપ બની રહ્યા છે.