માનવતાને શરમાવે તેવી ઘટના સામે આવી છે....

ધરતીનું સ્વર્ગ ગણાતા કાશ્મીરમાં માનવતાને શરમાવે તેવી ઘટના સામે આવી છે. ફાટેલા હોઠ સાથે જન્મેલા નવજાત શીશુને તેના માતા-પિતા હોસ્પિટલમાં જ તરછોડીને ફરાર થઈ ગયા. 

શ્રીનગરની જી.બી.પંત હોસ્પિટલમાં અનાથ હાલતમાં આ બાળકીને જોતા એમ લાગે કે કોઈ તેની દેખરેખ કરાતી નથી. એક અઠવાડિયાથી આ નવજાત શીશુ હોસ્પિટલમાં આમ પડી રહી છે. જોકે તબીબો તેની દેખભાળ કરી રહ્યા છે. પરંતુ હજુ સુધી બાળકીને લેવા કોઈ આવ્યુ નથી. ફેસબુક જેવી જણીતા સોશિયલ નેટવર્કિંગ પર આ ઘટના ચર્ચાનું કેદ્ર બની છે. ફાટેલા હોઠ સાથે જન્મેલી આ બાળકની જવાબદારી લેવા કોઈ તૈયાર નથી. તેના માતા-પિતા તો તેને જન્મ આપીને હોસ્પિટલમાં જ તરછોડીને ફરાર થઈ ગયા છે. 

હોસ્પિટલ સંચાલકોએ આ ઘટનાની જવાબદારી સ્વિકારી છે, અને હવે કોઈ પરિવાર આ બાળકીને દત્તક લે તેવા પ્રયાસો કરી રહ્યા છે.  

હાલ બાળકીને ઈન્ટેસિવ કેર યુનિટમાં રાખવામાં આવી છે. અને ટયુબની મદદથી તેને પ્રવાહી આપવામાં આવે છે. પરંતુ હાલતો જરૂર છે તેને મમતાની... માતાની હૂંફની...