Box Office: 1 અઠવાડિયામાં જ રણબીરની કપૂરની 'સંજૂ' પહોંચી 200 કરોડના ક્લબમાં

બોલિવુડના એક્ટર રણબીર કપૂરે છેવટે  પોતાના અત્યાર સુધીના કરિયરની સૌથી મોટી સફળતા મેળવી છે. 29 જૂને રિલીઝ થયેલી ફિલ્મ ‘સંજૂ’એ પહેલા જ અઠવાડિયામાં 200 કરોડનો આંકડો પાર કરી લીધો છે. આ સાથે જ રણબીરે સૌથી વધારે બોક્સ ઓફિસ કલેક્શનનો પોતાનો 5 વર્ષનો રેકોર્ડ તોડી દીધો છે.

ટ્રેડ જાણકારો અનુસાર ગુરુવારએ ‘સંજુ’ને 16.10 કરોડનું કલેક્શન કર્યુ અને તેની સાથે જ ફિલ્મનું કુલ નેટ કલેક્શન 202.51 કરોડ થઈ ગયું. રિલીઝ થવાની સાથે ફિલ્મે જે ઝડપ પકડી છે તેનાથી અંદાજ થઈ ગયો હતો કે ફિલ્મ પહેલા અઠવાડિયામાં 200 કરોડનું કલેક્શન કરી લેશે અને તેવું જ થયું. ઓપનિંગ વીકેન્ડમાં રૂ. 120.06 કરોડનું કલેક્શન કરવા છતા સંજુની કમાણીની ઝડપ ચાલુ દિવસોમાં ભારે રહી. સોમવારથી લઈને ગુરુવાર સુધી ફિલ્મના કલેક્શનમાં ઘટાડો થયો.

ફિલ્મે સોમવારે રૂપિયા 25.35 કરોડ મંગળવારે રૂપિયા 22.10 કરોડ બુધવારે 18.90 કરોડ રૂપિયા અને ગુરુવારે રૂપિયા 16.10 કરોડ રૂપિયાનું કલેક્શન કર્યું હતું. આ ખાસ અવસરે રણવીરે એક વીડિયો જાહેર કર્યો છે જેમાં તેણે લોકોને પાયરેસીને પ્રોત્સાહન ન આપવા અપીલ કરી છે. યાદ અપાવી દઈએ કે રિલીઝના દિવસે જ સંજુને કેટલાક તત્વોએ ફિલ્મનો વીડિયો સોશિયલ મીડિયા સાઈટ્સ પર અપલોડ કર્યો હતો.

 

Cinema is an art encapsulating the experience of entertainment. Come let’s save entertainment and #SayNoToPiracy ! Here’s Ranbir Kapoor joining our ongoing campaign on anti-piracy. https://t.co/DGc3Ap73Jn #LetsTalkIP @sureshpprabhu @CimGOI @rabhishek1982 @producers_guild

— CIPAM (@CIPAM_India) June 29 2018

સંજુએ હવે રણબીરના કરિયરની સૌથી મોટી સફળતા બની ગઈ છે. આ પહેલા રણબીરની સૌથી મોટી બોક્સ ઓફિસ સક્સેસ ‘યે જવાની હૈ દિવાની’ હતી જેણે રૂપિયા 190.03 કરોડનું કલેક્શ કર્યું હતું. 2013માં આવેલી આ ફિલ્મને અયાન મુખર્જીએ ડિરેક્ટ કરી હતી. જેની સાથે રણબીર હવે ‘બ્રહ્માસ્ત્ર’નું શૂટિંગ કરી રહ્યો છે. ‘સંજૂ’ 100 કરોડ ક્લબમાં જનારી રણબીરની ચોથી ફિલ્મ છે જ્યારે 200 કરોડ ક્લબમાં તે પહેલીવાર પહોંચ્યો છે. આ સાથે જ રણબીર બોલિવૂડના એવા સુપરસ્ટાર્સની લિસ્ટમાં શામેલ થઈ ગયો છે જેની ફિલ્મોએ બોક્સ ઓફિસ પર રૂપિયા 200 કરોડનો આંકડો પાર કરી લીધો છે. આ ક્લબમાં જનારી ‘સંજૂ’ 9મી ફિલ્મ છે.

ખાસ વાત એ છે કે 200 કરોડના ક્લબમાં પહોંચનારી પહેલી ફિલ્મ ‘3 ઈડિયટ્સ’ હતી જેના નિર્દેશક પણ રાજકુમાર હિરાની હતા અને આમિર ખાન તેમાં લીડ રોલમાં હતો. આ ફિલ્મ 2009માં રિલીઝ થઈ અને રૂપિયા 202 કરોડનું કલેક્શન કર્યું. હવે રણબીરને પણ હિરાનીએ 200 કરોડ ક્લબમાં પહોંચાડ્યો છે. બાદમાં આમિર ખાનની ‘ધૂમ 3’એ રૂપિયા 280.25 કરોડનું કલેક્શન કર્યું અને આ ક્લબની સદસ્ય બની.

ઉલ્લેખનીય છે કે 2009માં ‘થ્રી ઈડિયટ્સ’માં આમિર ખાનને મળેલી સફળતા બાદ બોલિવૂડમાં તેનું કદ અને કરિયર બંને ઝડપથી ઉપર ગયા. તો શું આ સફળતા બાદ રણબીરનું કરિયર પણ ફરીથી પાટા પર આવી શકશે. અહીં બંને એક્ટર્સના કરિયરને હિટ ફિલ્મ અપાવનારા ડિરેક્ટર રાજ કુમાર હિરાણી જ છે. ત્યારે શું આ વખતે પણ હિરાણી આમિરની જેમ રણબીરના લકી ચાર્મ બની જશે? તે તો હવે આવનારા સમયમાં જ કહી શકાશે.