પોલમપોલ..? નકલી માર્કશીટ લઇને અસલી ડિગ્રી લેવા આવેલ વિદ્યાર્થીની ઝડપાઇ

વડોદરા: શૈક્ષણિક નગરી કહેવાતી વડોદરામાં શિક્ષણનો કાળો કારોબાર ચાલી રહ્યો છે. શિક્ષણના ધામ એવી મહારાજા સયાજીરાવ ગાયકવાડ યુનિવર્સિટીમાં થોડા સમયથી બોગસ ડીગ્રીઓના કેસો સામે આવી રહ્યા છે અને છેલ્લા 3 વર્ષમાં 53 બોગસ ડીગ્રીઓ ઝડપાઈ છે. ત્યારે સવાલ થાય છે કે શું MS યુનિવર્સિટીમાં રહેલા લોકો જ શિક્ષણનો કાળા કારોબાર તો નથી ચલાવી રહ્યા ને ?.

ઉલ્લેખનીય છે કે શૈક્ષણિક નગર દિવસેને દિવસે બદનામ થઈ રહી છે અને બદનામનું કારણ છે શિક્ષણનો કાળો કારોબાર. ખ્યાતનામ MS યુનિવર્સિટીમાં બોગસ ડીગ્રીઓના અનેક કેસ સામે આવી રહ્યા છે. ત્યારે વધુ એક કેસ બોગસ ડીગ્રીનો પર્દાફાશ થયો છે. પ્રિયંકા બારિયા નામની B.COMની વિદ્યાર્થિની ગ્રેજ્યુએટની નકલી માર્કસીટ સાથે અસલી ડીગ્રી લેવા આવી હતી.

જો કે સર્તકર્તાને કારણે તે ઝડપાઈ ગઈ છે. પરંતુ આ પહેલા 3 વર્ષમાં 53 બોગસ ડીગ્રીઓ ઝડપાઈ હતી. તો વર્ષ 2011માં 150 બોગસ વિદ્યાર્થીઓ ઝડપાયા હતા. પરંતુ આટલા મોટા પ્રમાણમાં લોકોના ભવિષ્ય સાથે ખેલ ખેલનાર લોકો છે ? કોણ તે એક સવાલ છે.
 
વિદ્યાર્થીઓ ઝડપાય ત્યારે ખ્યાલ આવે કે તે બોગસ ડીગ્રી છે. પરંતુ એવી તો અનેક બોગસ ડીગ્રીઓ હશે જે સામે જ નહીં આવી હોય. સુત્રો દ્વારા મળેલી માહિતી મુજબ MS યુનિવર્સિટીના અનેક વિદ્યાર્થીઓો બોગસ ડીગ્રી લઈ વિદેશમાં સેટ થઈ ગયા છે. વિદ્યાર્થીઓ કહી રહ્યા છે કે યુનિવર્સિટીમાંજ આખુ રેકેટ ચાલી રહ્યું છે અને તેમાં સત્તાધિશો જ સંડોવાયેલા છે. 

વીટીવી સમક્ષ એવા તો અનેક કેસ આવ્યા છે જેમાં વિદ્યાર્થી પ્રથમ અને બીજા વર્ષમાં નાપાસ થયો હોય તેમ છતાં તેને ડીગ્રી મળી ગઈ છે. એકદમ અસલી જેવી જ દેખાતી ડીગ્રીને યુનિવર્સિટીમાંથી જ કોઈ સેટ કરી આપે છે. હવે જોવું રહ્યું કે ખ્યાતનામ MS યુનિવર્સિટી પોતાની બગડતી શાખને બચાવવા માટે શું ઠોસ પગલા લે છે..?