બ્રેકિંગ ન્યુઝ
ગુજરાતમાં ભાવનગર, વલસાડ સહિતના વિસ્તારોમાં વરસાદ શરૂ
ખુલતાની સાથે જ શેરબજારમાં કડાકો, 700 પોઈન્ટ તુટ્યુ
Lok Sabha Elections 2024: આજે ચોથા તબક્કામાં 10 રાજ્યોની 96 લોકસભા બેઠકો માટે મતદાન
અમદાવાદ એરપોર્ટને બોમ્બથી ઉડાવી દેવાની મળી ધમકી, અજાણ્યા ઈ-મેઇલથી અફરા-તફરી
સુરતને બોમ્બથી ઉડાવી દેવાની ધમકી આપવી ભારે પડી, ઉધના પોલીસે ઉત્તર પ્રદેશના શખ્સની કરી ધરપકડ
દિલ્હીમાં સ્કૂલ બાદ હવે હોસ્પિટલોને બોમ્બથી ઉડાવી દેવાની મળી ધમકી, પોલીસે શરૂ કરી તપાસ
સુરતમાં હિન્દુ નેતા ઉપદેશ રાણાને ધમકીનો કેસ, સુરત ક્રાઈમ બ્રાન્ચે શકીલ સતાર શેખ નામના શખ્સની કરી ધરપકડ
નર્મદા જિલ્લાના ગ્રામ્ય વિસ્તારમાં કમોસમી વરસાદ, કમોસમી વરસાદથી ખેડૂતોની ચિંતામાં વધારો
ડાંગ જીલ્લાના વાતાવરણમાં પલટો, સાપુતારામાં બરફના કરા સાથે વરસાદ
દાહોદ જિલ્લાના વાતાવરણમાં આવ્યો અચાનક પલટો, લીમડી, કારઠ, દેપાડા, કચુંબર સહીતના વિસ્તારોમાં વરસ્યો વરસાદ
Megha
Last Updated: 02:29 PM, 24 April 2024
કેનેડા છેલ્લા ઘણા સમયથી ભારતીય યુવાનોમાં ખૂબ ચર્ચામાં છે. હાલ વિદેશ ભણવા જવા ઈચ્છતા ભારતીય યુથમાં કેનેડા હોટફેવરિટ છે. પરંતુ જ્યારથી કેનેડા અને ભારતના રાજદ્વારી સંબંધો કથળ્યા છે, ત્યારથી કેનેટામાં ભણવા કે નોકરી કરવા અંગે નવા નવા રિપોર્ટ સામે આવી રહ્યા છે. ક્યારેક કેનેડામાં રહેવાની તકલીફ તો ક્યારેક જોબની અછત હોવાના સમાચાર આવે છે. આ સમાચારને કારણે હવે જે યુવાનો કેનેડા જવા ઈચ્છે છે, તેમને ચિંતા થાય છે.
ADVERTISEMENT
હવે સામે આવેલા લેટેસ્ટ રિપોર્ટ પ્રમઆમે કેનેડાના વિઝા અપ્રૂવ થવામાં 3થી 4 મહિનાનો લાંબો સમય લાગી રહ્યો છે. આ વાર લાગવાની શરૂઆત જાન્યુઆરી મહિનાથી થઈ છે. એટલે જો તમારે કેનેડા ભણવા જવું હોય તો સ્ટુડન્ટ વિઝા માટે અગાઉથી પ્લાનિંગ કરજો નહીં તો તમે ઈન્ટેક ચૂકી શકો છો. આ વર્ષે કેનેડાએ ઈન્ટરનેશનલ સ્ટુડન્ટ્સને અપાતા વિઝાના અપ્રૂવલના નિયમો બદલી નાખ્યા છે. જેને કારણે વિઝા અપ્રૂવ થવામાં સમય લાગી રહ્યો છે.
પરંતુ આ દરમિયાન વિદ્યાર્થીઓ સ્ટુડન્ટ વિઝા માટેની અરજીમાં થોડું ધ્યાન આપે તો આ સમયગાળો ઘટી શકે છે. કેનેડિયન સ્ટુડન્ટ વિઝા મામલે કામ કરતા નિષ્ણાતોનું કહેવું છે કે કેનેડિયન સરકારે સ્ટુડન્ટ વિઝાના ઘણા નિયમો બદલ્યા છે. જેમાં મુખ્ય નિયમ છે કે વિદેશથી આવતા વિદ્યાર્થીઓની સંખ્યા ઓછી કરવી. સાથે જ વિદ્યાર્થીઓ જે કેનેડિયન પ્રોવિન્સની કોલેજ કે યુનિવર્સિટીમાં અભ્યાસ કરવા ઈચ્છે છે, તે સ્થાનિ પ્રોવિન્સ પાસેથી વેરિફિકેશન લેટર મેળવીને વિઝાની અરજી સાથે જોડવો જરૂરી છે. આ નિયમો ઓલરેડી લાગુ થઈ ચૂક્યા છે, પરંતુ ઘણા પ્રોવિન્સ તરફથી હજી સુધી વેરિફિકેશન લેટર જાહેર નથી કરવામાં આવ્યા. આ જ કારણે વિદ્યાર્થીઓના વિઝા અપ્રૂવ થવાનો સમયગાળો લાંબો થઈ રહ્યો છે.
પ્રક્રિયાની વાત કરીએ તો નિષ્ણાતોના જણાવ્યા પ્રમાણે જો એક વિદ્યાર્થી કેનેડા ભણવા જવા ઈચ્છે, તો સૌથી પહેલા તેને કોલેજમાંથી ઓફર લેટર મળે છે. બાદમાં ટોકન ટ્યુશન ફી ભરવાની હોય છે, અને પછી લેટર ઓફ અપ્રૂવલ મળે છે. આટલી પ્રોસિજર બાદ કોલેજ જે પ્રોવિન્સમાં છે, ત્યાંથી વેરિફિકેશન લેટર લેવાનો હોય છે. જો કે, મળતી માહિતી પ્રમાણે હાલ માત્ર મોન્ટ્રિયલ પ્રોવિન્સમાં જ વેરિફિકેશનની પ્રોસેસ ચાલી રહી છે. અન્ય પ્રોવિન્સ હજી પણ આ મામલે કામ શરૂ કરી રહ્યા છે.
ઉદાહરણ તરીકે પહેલા મોન્ટ્રિયલમાં ભણવા જતા વિદ્યાર્થીઓએ CAQ મેળવવું જરૂરી હતી, પરંતુ હવે વેરિફિકેશન લેટર ફરજિયાત છે. એટલે કેનેડિયન કોલેજો પોતે પણ મૂંઝવણમાં છે, જેને કારણે વેરિફિકેશન લેટર મોડા નીકળી રહ્યા છે. અને વેરિફિકેશન લેટર વગર વિઝા અપ્રૂવ નથી થઈ રહ્યા.
વધુ વાંચો: વાહ! ભારતીયો માટે આવી છે સોનેરી તક, આ દેશમાં ખાલી પડી છે 70 હજાર વેકેન્સી, જાણો વિગત
જો કે અહીં કેટલીક એવી બાબતો છે, જે વિદ્યાર્થીઓ ધ્યાનમાં રાખે તો વિઝા મળવાની ઝડપ વધી શકે છે. વિઝા એક્સપર્ટ્સના કહેવા પ્રમાણે જો વિદ્યાર્થીઓને વેરિફિકેશન લેટર મળી ગયો છે, પરંતુ વિઝા મળવામાં મોડું થઈ રહ્યું છે, તો તેમણે પોતાના અબ્યાસ ક્રમ અંગે ક્રોસ ચેક કરવું જોઈએ. ઘણીવાર એવું બને છે કે તમે જે કોર્સમાં એડમિશન લેવા ઈચ્છો છો, તેને કોલેજ બંધ કરી દે છે. આ ઉપરાંત જો બધું જ બરાબર છે અને છતાંય તમારી અરજી પર કોઈ રિસ્પોન્સ નથી, તો તમે કેનેડિયન સરકારની વેબસાઈટ પર ફોર્મ ભરીને તપાસ કરી શકો છો. જો કંઈ જ કામ ન લાગે તો છેલ્લે તમે એક નવી અરજી કરી શકો છો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ટોપ સ્ટોરીઝ