તમારા કામનું / ઓર્ડર કર્યો આઇફોન અને આવ્યો સાબુ, ઓનલાઈન ઓર્ડર કરતી વખતે પસંદ કરો આ વિકલ્પ, છેતરપિંડીથી બચશો

ફ્લિપકાર્ટ હોય, એમેઝોન હોય કે કોઈપણ ઓનલાઈન ઈ-કોમર્સ સાઈટ પરથી ઓર્ડર આપવા જઈ રહ્યા છો, તો અમે તમને કેટલીક એવી ટ્રિક્સ વિશે જણાવવા જઈ રહ્યા છીએ જેની મદદથી તમારો શોપિંગનો અનુભવ ઘણો સારો રહેવાનો છે.

ઘણી વખત એવા સમાચાર બહાર આવે છે કે આઈફોન ઓર્ડર કે કોઈ પણ ફોન ઓર્ડર કર્યા પછી બોક્સમાંથી સાબુ નીકળે છે. અથવા તો કોઈ બીજી પ્રોડક્ટની જગ્યા પર બીજી જ કોઈ વસ્તુ નીકળે છે. આવું તમારી સાથે ન થાય તો હવે કોઈ પણ વસ્તુનો ઓર્ડર આપતા પહેલા તમારે એક વિકલ્પ પસંદ કરવો જોઈએ.

Amazon-

જો તમે એમેઝોનથી ઓર્ડર કર્યો છે, તો કંપની તમને ઓપન બોક્સ ઇન્સ્પેક્શનની સુવિધા આપે છે. આમાં, ડિલિવરી એજન્ટ તમારી સામે બોક્સ ખોલે છે અને તમે ત્યાં જ પ્રોડક્ટને ચેક કરી શકો છો. ઉદાહરણ તરીકે, જો તમે iPhone ઓર્ડર કરો છો અને આ વિકલ્પ પસંદ કરો છો, તો ડિલિવરી એજન્ટ ઓર્ડર લાવતાની સાથે જ બોક્સ ખોલશે. મતલબ કે તે ઈચ્છે તો પણ તમને છેતરી શકશે નહીં.

Flipkart-

Flipkartમાં પણ ઓપન બોક્સ ડિલિવરી વિકલ્પ છે અને જો તમે તેને ઓર્ડર કરો છો, તો પણ બોક્સ ખોલીને તમને બોક્સ બતાવવામાં આવશે. અહીં તમે ઉત્પાદન સંબંધિત તમામ માહિતી મેળવી શકો છો પરંતુ ઓર્ડર આપતા પહેલા તમારે આ વિકલ્પ પસંદ કરવો પડશે. આ પછી જ તમે બોક્સ ખોલવાનો દાવો કરી શકો છો.

વધુ વાંચો: શું તમે Ayushman Card નો લાભ મેળવી શકશો? આ રીતે ચેક કરો તમારી યોગ્યતા

છેતરપિંડી થઈ શકે છે -

આ વિકલ્પો પસંદ કર્યા પછી, બોક્સ ખોલવામાં આવશે અને તમને બતાવવામાં આવશે. પરંતુ પ્રોડક્ટ યોગ્ય હશે તેની કોઈ ગેરેંટી નથી. ઘણા લોકોએ એમનો અનુભવ સોશિયલ મીડિયા પર શેર કર્યો હતો, જેમાં જણાવ્યું હતું કે પ્રોડક્ટનો ઓર્ડર આપ્યો હતો અને તેને ખોલ્યા બાદ તે બતાવવામાં આવ્યો હતો. પરંતુ બાદમાં જ્યારે એમને પ્રોડક્ટનો ઉપયોગ કર્યો ત્યારે તે ડિફેક્ટિવ હતું.