ઓપરેશન માટે ખાસ ટીમ બનાવાઇ હતી. આ ટીમ 4 દિવસ સુધી દરિયામાં રહી હતી.
Share
પોરબંદર નજીક આંતર રાષ્ટ્રીય બોર્ડર પરથી એટીએસ અને નાર્કોટિક્સ કંટ્રોલ બ્યૂરોના સંયુક્ત ઓપરેશનમાં 90 કિલો જેટલો ડ્રગ્સનો જથ્થો ઝડપાયો છે. ડ્રગ્સના જથ્થા સાથે 14 પાકિસ્તાની નાગરિકોની ધરપકડ કરવામાં આવી છે. આંતરરાષ્ટ્રીય બજારમાં ડ્રગ્સના આ જથ્થાની કિમત અંદાજે 600 કરોડ થવા જાય છે
ભારતીય કોસ્ટ ગાર્ડના જહાજો અને એર ક્રાફટને મિશન માટે કામે લગાવાયા હતા
ઓપરેશનને સફળ કરવા માટે ભારતીય કોસ્ટ ગાર્ડના જહાજો અને એર ક્રાફટ મિશન પર તૈનાત કરવામાં આવ્યા હતા. ICG જહાજ રાજરતન, જેમાં NCB અને ATS અધિકારીઓ હતા, તેમણે શંકાસ્પદ બોટની ઓળખ કરી હતી. ડ્રગથી ભરેલી બોટ દ્વારા ઉપયોગમાં લેવામાં આવતી કોઈપણ પ્રકારની છટકબારી કોસ્ટ ગાર્ડના જહાજ રાજરતનને લીધે થઇ શકી નથી.અને ટ્રેપ સફળ થઈ હતી. જહાજની નિષ્ણાત ટીમે શંકાસ્પદ બોટ પર સવારી કરી અને સંપૂર્ણ તપાસ કર્યા પછી, મોટી માત્રામાં માદક દ્રવ્યોની હાજરીની પુષ્ટિ કરી હતી.
કઇ રીતે પાર પાડ્યું ઓપરેશન
ડીજીપી વિકાસ સહાય દ્વારા આ સમગ્ર ઓપરેશનની માહીતી આપતી પત્રકાર પરિષદ યોજવામાં આવી હતી. આ પત્રકાર પરિષદમાં તેમણે જણાવ્યું કે 21 તારીખે કે.કે.પટેલને માહિતી મળી હતી કે હાજી અસલમ ઉર્ફે બાબુ બલોચ પાકિસ્તાનથી ડ્રગ્સ મોકલવાનો છે. આ ડ્રગ્સ તમિલનાડુથી દરિયાઇ માર્ગે જશે તેવી બાતમી મળી હતી. જે બાદ ઓપરેશન માટે ખાસ ટીમ બનાવાઇ હતી. આ ટીમ 4 દિવસ સુધી દરિયામાં રહી હતી.. આ દરમ્યાન પાકિસ્તાનની અલ રઝા નામની બોટ 26 એપ્રિલે લોકેટ કરવામાં આવી હતી. આરોપીઓ પકડાયા ત્યારે તેઓ ડ્રગ્સનો જથ્થો દરિયામાં ફેંકવા લાગ્યા હતા. જે દરમ્યાન ઇન્ડિયન કોસ્ટગાર્ડે ફાયરિંગ કર્યુ હતું. જે બાદ પાકિસ્તાની બોટમાં રહેલા લોકોએ સરેન્ડર કર્યુ હતું. અને 14 પાકિસ્તાનીઓની અટકાયત કરાઇ હતી.
આરોપીઓ પાસેથી કુલ 78 પેકેટમાં 86 કિલો હેરોઇન મળ્યું છે. જેની આંતરરાષ્ટ્રીય બજારમાં કિંમત 602 કરોડ રૂપિયા જેટલી થાય છે. સમગ્ર ઓપરેશન દરમ્યાન 14 આરોપીઓ પૈકિ એક નાઝર હુસૈન ઇજાગ્રસ્ત થયો હતો.. જેને પ્રાથમિક સારવાર આપવામાં આવી હતી. આગામી સમયમાં જપ્ત કરાયેલી બોટને પોરબંદર લાવવામાં આવશે.
@IndiaCoastGuard Ship Apoorva swiftly responded to the distress call from #IFB Rijomon, rescuing 10 crew members stranded for 5 days at sea. The boat was safely towed to off #Ratnagiri. Their unwavering commitment to maritime safety shines bright, reinforcing trust in their… pic.twitter.com/lRJe5YSXMN
આ પહેલા ગુજરાત એટીએસ અને એનસીબીની ટીમે શનિવારે ગાંધીનગર અને રાજસ્થાનમાં મોટી કાર્યવાહી કરી 230 કરોડની કિમતનો ડ્રગ્સનો જથ્થો ઝડપી લીધો હતો .. ગુજરાતના એક અને રાજસ્થાનના બે સ્થળો પર એટીએસએ દરોડા પાડ્યા હતા. જેમાં 25 કિલો એમડી ડ્રગ્સ સાથે 10થી વધુ આરોપીઓની ધરપકડ કરાઇ હતી.
ઇન્ડિયન કોસ્ટગાર્ડ અને એટીએસના સંયુક્ત ઓપરેશન થકી ડ્રગ્સનો આ મોટો જથ્થો ઝડપી લેવાયો અને નશાનો કારોબાર કરતા ડ્રગ માફીયાઓના મનસુબા પર પાણી ફેરવી દેવાયુું
