ક્રિકેટ / IPL 2024: 16 પોઈન્ટ પછી પણ રાજસ્થાન રોયલ્સ હજુ સુધી પ્લેઓફ માટે નથી થયું ક્વોલિફાઈ, જાણો શું છે કારણ

IPL 2024માં શનિવારે રાજસ્થાન રોયલ્સે લખનૌ સુપર જાયન્ટ્સને સાત વિકેટે હરાવ્યું હતું. આ જીત બાદ રાજસ્થાનના 16 પોઈન્ટ થઈ ગયા છે અને પ્લેઓફમાં તેનું સ્થાન લગભગ નિશ્ચિત થઈ ગયું છે. જો કે, ઘણા લોકોના મનમાં સવાલ એ છે કે રાજસ્થાનને હજુ સુધી કેમ પ્લેઓફની ટિકિટ નથી મળી.

રાજસ્થાન રોયલ્સ 16 પોઈન્ટ મેળવનાર પ્રથમ ટીમ

IPL 2024માં રાજસ્થાન રોયલ્સ 16 પોઈન્ટ મેળવનાર પ્રથમ છે અને પોઈન્ટ ટેબલમાં રાજસ્થાનની ટીમ ટોપ પર છે. ટીમ આ સિઝનમાં 9માંથી માત્ર એક મેચ હારી છે. અત્યાર સુધી અન્ય કોઈ ટીમે 10થી વધુ પોઈન્ટ બનાવ્યા નથી, પરંતુ રાજસ્થાનની ટીમ 16 પોઈન્ટ પર પહોંચી ગઈ છે અને હજુ સુધી પ્લેઓફની ટિકિટ નથી મળી.

RCB સિવાય તમામ ટીમો પાસે 16 પોઈન્ટ મેળવવાની તક

સામાન્ય રીતે, 16 પોઈન્ટ મેળવનારી ટીમ માટે પ્લેઓફમાં પંહોચી જાય છે, પણ રાજસ્થાનને પ્લેઓફની ટિકિટ મળી નથી કારણ કે આ સિઝનમાં રોયલ ચેલેન્જર્સ બેંગ્લોર સિવાય તમામ ટીમો પાસે 16 પોઈન્ટ મેળવવાની તક છે.

પ્લેઓફ માટે માત્ર ચાર જ સ્થાન છે

જો IPL 2024ના પોઈન્ટ ટેબલમાં 6 ટીમોના 16-16 પોઈન્ટ હશે, તો બધી ટીમો પ્લેઓફ માટે ક્વોલિફાય થઈ શકશે નહીં, કારણ કે પ્લેઓફ માટે માત્ર ચાર જ સ્થાન છે. આવી સ્થિતિમાં, સારી નેટ રન રેટ ધરાવતી ચાર ટીમોને જ પ્લેઓફ માટે ક્વોલિફાય થવાની તક મળશે.

વધુ વાંચો: ઈશાન કિશન પર BCCIની કાર્યવાહી, IPL આચાર સંહિતાનું ઉલ્લંઘન કરવા બદલ મળી સજા

જો કે રાજસ્થાન રોયલ્સ તેની બાકીની 5 મેચોમાં વધુ એક મેચ જીતે છે તો ટીમને પ્લેઓફની ટિકિટ મળી જશે.