રોકાણ / 1 વર્ષની ફિક્સ્ડ ડિપોઝિટ પર થશે મોટો ફાયદો, આ 3 બેંક આપી રહી છે વધારે વ્યાજ

રોકાણનો એક શ્રેષ્ઠ વિકલ્પ છે ફિક્સ્ડ ડિપોઝીટ એટલે કે FD. FDમાં પૈસા ગુમાવવાનું જોખમ નથી હોતું. ઉપરાંત, ગ્રાહક પોતાની અનુકૂળતા મુજબ ટૂંકા અને લાંબા ગાળા માટે તેમાં રોકાણ કરી શકે છે. ભારતીય ગ્રાહકો હજુ પણ તેમની બચતને સુરક્ષિત રીતે રોકાણ કરવા માટે ફિક્સ્ડ ડિપોઝિટ (FD) પસંદ કરે છે. FD માં રોકાણ કર્યા પછી, તમને ચોક્કસ સમયગાળા પછી ચોક્કસ આવક મળે છે. ઘણી બેંકો 7 દિવસથી લઈને 10 વર્ષ સુધીની FD ઓફર કરે છે. ટૂંકા ગાળાની એફડી 7 દિવસથી 12 મહિના સુધીની હોય છે. જ્યારે, લાંબા ગાળાની FD એક વર્ષથી લઈને 10 વર્ષ સુધીની હોય છે. દેશમાં એવી ઘણી બેંકો છે જે FD પર તેમના ગ્રાહકોને મહત્તમ 7.75% સુધી વ્યાજ આપે છે. ચાલો જાણીએ આવી 3 બેંકો વિશે

કેનેરા બેંક - ગ્રાહકો કેનેરા બેંકમાં તેમની બચતનું રોકાણ કરીને પણ બમ્પર વળતર મેળવે છે. કેનેરા બેંક તેના સામાન્ય ગ્રાહકોને 1 વર્ષની FD પર 7% વ્યાજ આપી રહી છે. બીજી તરફ, બેંક તેના વરિષ્ઠ નાગરિક ગ્રાહકોને સમાન સમયગાળા માટે 7.70 ટકા વ્યાજ ઓફર કરી રહી છે.

DCB બેંક - જો તમે 1 વર્ષ માટે FDમાં તમારી મૂડીનું રોકાણ કરવાનું વિચારી રહ્યા છો તો તમારા માટે DCB બેંક એક સારો વિકલ્પ છે. DCB બેંક તેના સામાન્ય ગ્રાહકોને 1 વર્ષની FD પર 7.25% વ્યાજ ઓફર કરી રહી છે. જયારે બેંક તેના વરિષ્ઠ નાગરિક ગ્રાહકોને સમાન સમયગાળા માટે 7.75 ટકા વ્યાજ ઓફર કરી રહી છે.

વધુ વાંચો: SBI અને HDFC સહિત પાંચ બેંક આપી રહી છે સસ્તી હોમ લોન, ફટાફટ ચેક કરો વ્યાજ દર

તમિલનાડ મર્કેન્ટાઇલ બેંક - FD ગ્રાહકો માટે તમિલનાડ મર્કેન્ટાઇલ બેંક પણ એક સારો વિકલ્પ છે. તમિલનાડ મર્કેન્ટાઈલ બેંક તેના સામાન્ય ગ્રાહકોને 1 વર્ષની FD પર 7.25% વ્યાજ આપી રહી છે. બીજી તરફ, બેંક તેના વરિષ્ઠ નાગરિક ગ્રાહકોને સમાન સમયગાળા માટે FD પર 7.75 ટકા વ્યાજ ઓફર કરી રહી છે.