ચૂંટણી 2024 / 'મૈ શેરની હું શેરની..' અચાનક અડધી રાત્રે પ્રિયંકા ગાંધી પહોંચી રાયબરેલી, જોશીલું ભાષણ વાયરલ

સમગ્ર દેશ ચૂંટણીના રંગમાં રંગાયો છે. લોકસભા ચૂંટણીના 7 તબક્કામાંથી 3 તબક્કાનું મતદાન પૂર્ણ થઈ ચૂક્યું છે. હાલમાં બાકી બેઠકો માટે તમામ પાર્ટીઓ જોરશોરથી પ્રચાર કરી રહી છે. ત્યારે કોંગ્રેસના પ્રિયંકા ગાંધી પણ મેદાનમાં ઉતર્યા છે. જે ભાઈ રાહુલ ગાંધી માટે અડધી રાત્રે રાયબરેલી પહોંચ્યા હતા. કોંગ્રેસ નેતા પ્રિયંકા ગાંધી વાડ્રાએ રાયબરેલીમાં રાહુલ ગાંધી માટે પ્રચાર કર્યો હતો.

આ જે દેશની મિટ્ટી છે જેના માટે અમારા પરિવારે લોહી રેડ્યું છે. અમે આ દેશના લોકોના અધિકાર માટે લડી રહ્યા છે. આ જે દેશની પરિસ્થિતિ છે તે ઉંડાઈપૂર્વક સમજવી પડશે અને પછી દેશને બચાવવા માટે લડાઈ લડવી પડશે. હવે હું અહિંયાથી ક્યાંય જવાની નથી. હું શેરની છું... શેરની.. 18 તારીખે 5 વાગ્યે ચૂંટણી પંચ મને કહેશે કે હવે તમે પ્રયાર બંધ કરો અને ચાલ્યા જાઓ પછી જ જઈશ. ત્યાં સુધી આપડે મહેનત કરીશું. હું તમારા માટે સમર્પિત છું અને તમે દેશ માટે સમર્પિત છો.

વધુમાં પ્રિયંકા ગાંધીએ કહ્યું કે તમે બધા જાણો છો કે રાયબરેલી સાથે અમારા પરિવારનો સંબંધ છે. મારી માતા 20 વર્ષ સુધી સાંસદ હતી. તેમણે તમારા માટે જે કરી શક્યું તે કર્યું. સરકાર હોય કે ન હોય અમે કામ કરાવ્યું. હવે માતાએ ભાઈ રાહુલને તમારી પાસે મોકલ્યો છે. તેઓ આ ચૂંટણીમાં ઉમેદવાર છે. રાહુલ ગાંધી પીછેહઠ કરવાવાળા નથી. રાહુલે દેશભરમાં 4000 કિમીનો પ્રવાસ કર્યો છે. તમારી સમસ્યા સમજવા માટે રાહુલ પગપાળા નીકળ્યો હતો. રાહુલ ગાંધી તમને ન્યાય અપાવવા માટે લડી રહ્યા છે. હું પણ અહીં જ રહીશ અને તમારા માટે લડીશ તમારા અધિકારો માટે લડીશ.

વધુ વાંચો : 'કોંગ્રેસના શહેજાદાએ અંબાણી-અદાણી પાસેથી કેટલો માલ ઉઠાવ્યો?' તેલંગાણામાં વડાપ્રધાન મોદીએ કોંગ્રેસ પર કર્યા આકરા પ્રહાર

પ્રિયંકા ગાંધીએ ભાજપ અને પીએમ મોદી પર નિશાન સાધ્યું હતું. તેમણે કહ્યું કે ભાજપનું સમગ્ર તંત્ર રાહુલ ગાંધી વિરુદ્ધ જુઠ્ઠાણું ફેલાવવામાં લાગેલું છે. તેમણે કહ્યું કે ભાજપે સામાન્ય જનતાને ગેરમાર્ગે દોરવાનું કામ કર્યું છે. મોદીજીના શાસનમાં મોંઘવારી વધી છે. ઉલ્લેખનિય છે કે પ્રિયંકા ગાંધી રાયબરેલીમાં 12 શેરી સભા કરશે. રાહુલ ગાંધીને મત આપવાની અપીલ કરવા માટે પ્રિયંકા ગાંધી પોતે જ મેદાનમાં ઉતર્યા છે અને ભાજપને ચેલેન્જ આપતા પોતાને શેરની ગણાવ્યા હતા.