હવામાન / 'વંટોળિયા અને ધૂળની આંધી આવશે', હવામાન નિષ્ણાંત પરેશ ગોસ્વામીએ કરી ચોમાસાની આગાહી

હવામાન નિષ્ણાંત પરેશ ગોસ્વામીએ રાજ્યમાં વંટોળીયા અને ધુળભરી આંધીની આગાહી કરી છે..તેમણે રાજ્યમાં કેટલેક ઠેકાણે પ્રિ મોન્સૂન એક્ટિવિટના ઝાપટાની પણ આગાહી કરી છે. તેમણે કહ્યું કે 14 મે સુધી લોકલ સિસ્મટ બંધાશે

પરેશ ગોસ્વામીએ કહ્યું કે ધીરે-ધીરે નૈઋત્યનું ચોમાસું નજીક આવી રહ્યું છે. જો કે આ સાથે તેમણે એમ પણ કહ્યું કે ગરમીથી હજુ 11 તારીખ સુધી રાહત મળવાના કોઇ એંધાણ નથી.

અંબાલાલ પટેલે શું કહ્યું છે ?

અંબાલાલ પટેલે એક ખાનગી ચેનલ સાથે વાત કરતા જણાવ્યું કે, આ વખતે 10થી 14 મે વચ્ચે પ્રી-મોન્સૂન એક્ટિવિટી શરૂ થવાની શક્યતા છે. આ પ્રી-મોન્સૂન એક્ટિવિટી ઉત્તર ભારતમાં ખતરનાક હશે, અને ભારે ગાજવીજ, આંધી, વંટોળ સાથે હશે. અને આરબ રાષ્ટ્રોમાંથી આવતું વંટોળ કચ્છના ભાગોમાં થઈ ગુજરાતના કેટલાક ભાગોમાં ફેલાઈને ઉત્તર ગુજરાતના ભાગો, મધ્ય ગુજરાતના ભાગો અને પૂર્વ ગુજરાતના ભાગોમાં જતું રહેશે.

આ પણ વાંચોઃ આ વર્ષે ગુજરાતમાં ચોમાસું વહેલા આવશે, અંબાલાલે કરી વંટોળ સાથે વરસાદની આગાહી

પશ્ચિમ હિંદ મહાસાગર દુનિયાના અન્ય સાગરો કરતા વધુ ગરમ રહેશે

અંબાલાલ પટેલે વધુમાં જણાવ્યું છે કે, આ વખતે પશ્ચિમ હિંદ મહાસાગર દુનિયાના અન્ય સાગરો કરતા વધુ ગરમ રહેશે. ગરમીના લીધે ગંગા જમનાના મેદાનો તપશે અને 16 મે બાદ બંગાળના ઉપસાગરમાં ચક્રવાત બનવાની પ્રક્રિયા શરુ થશે. 17થી 22 મેના અંદમાન નિકોબાર ટાપુ પર ચોમાસું બેસી જવાની શક્યતા રહેશે. આ વર્ષનું ચોમાસુ સારું રહેવાની શક્યતા રહેશે.