માર્કેટ મજામાં / શેર બજારે આજે ફરી ઇતિહાસ સર્જ્યો, સેન્સેક્સ-નિફ્ટી રહ્યાં ઓલ ટાઇમ હાઇ, રોકાણકારોને બખ્ખાં

ભારતીય શેરબજારમાં જબરદસ્ત તેજીનો સમયગાળો ચાલુ છે. બુધવારે સવારે નિફ્ટી અને સેન્સેક્સ ફરી ઐતિહાસિક સ્તરે પહોંચી ગયા હતા. માર્કેટ ખૂલતાંની સાથે જ સેન્સેક્સ 80,000 ને પાર કરી ગયો જ્યારે નિફ્ટી 24,292 ના સ્તર પર પહોંચી ગયો હતો.

જો કે કારોબારની શરૂઆતની થોડી મિનિટોમાં બજારની ગતિ થોડી ધીમી પડી હતી, પરંતુ તે પહેલા લાઈફટાઈમ હાઈ લેવલનો નવો રેકોર્ડ બન્યો હતો. તેજી કાબુમાં આવી તે પહેલાં સેન્સેક્સ 80,039.22 પોઈન્ટની નવી ટોચે અને નિફ્ટી 24,291.75 સાથે ઓલટાઈમ હાઇ પોઈન્ટ પર પહોંચ્યો હતો.

વધુ વાંચો: FD કરાવતા લોકો માટે સારા સમાચાર, 4 બેંકે વ્યાજમાં કર્યા ફેરફાર, જાણો નવા ઈન્ટરેસ્ટ રેટ

આજે બજારમાં બેન્કિંગ અને ફાઇનાન્શિયલ શેર્સમાં જબરદસ્ત ખરીદી જોવા મળી રહી છે. નિફ્ટી50ના ટોપ ગેનર્સમાં HDFC બેન્ક, ICICI બેન્ક, એક્સિસ બેન્ક, કોટક મહિન્દ્રા બેન્ક, બ્રિટાનિયા અને ટાટા કન્ઝ્યુમર પ્રોડક્ટ્સનો સમાવેશ થાય છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ