NRI ન્યૂઝ / હવે ઓસ્ટ્રેલિયા ભણવા જવું અઘરું પડશે, ન્યૂઝ વાંચતા જ ભારતીયોને લાગશે ઝટકો

ઓસ્ટ્રેલિયામાં અભ્યાસ કરવા માંગતા ભારતીય વિદ્યાર્થીઓને આંચકો લાગી શકે છે. હકીકતમાં, તાજેતરમાં જ વડા પ્રધાન એન્થોની અલ્બેનિસની સરકારે સ્ટુડન્ટ વિઝા ફી બમણી કરતાં વધુ કરવાનો નિર્ણય લીધો છે. ખાસ વાત એ છે કે ઓસ્ટ્રેલિયામાં ઈન્ટરનેશનલ સ્ટુડન્ટ્સના ગ્રુપમાં ભારતીયો બીજા સ્થાને છે. કહેવામાં આવી રહ્યું છે કે ઓસ્ટ્રેલિયન સરકારે માઈગ્રેશન પર નિયંત્રણ માટે આ પગલું ભર્યું છે.

નવી સિસ્ટમ હેઠળ હવે વિદ્યાર્થીઓએ 1600 ઓસ્ટ્રેલિયન ડોલર ચૂકવવા પડશે. આ આંકડો અગાઉ 710 ઓસ્ટ્રેલિયન ડોલર હતો. એટલું જ નહીં, ટેમ્પરરી ગ્રેજ્યુએટ વિઝિટલ અને મેરીટાઇમ ક્રૂ વિઝા ધારકો હવે ઓસ્ટ્રેલિયામાં તેમના રોકાણ દરમિયાન વિદ્યાર્થી વિઝા માટે અરજી કરી શકશે નહીં. ઓસ્ટ્રેલિયામાં રહેતા ભારતીય વિદ્યાર્થીઓને તેની પણ અસર થવાની શક્યતા છે.

મીડિયા રિપોર્ટ્સ અનુસાર, હોમ અફેર્સ અને સાયબર સિક્યોરિટી મિનિસ્ટર ક્લેર ઓ'નીલે કહ્યું કે, 'આજે અમલમાં આવી રહેલા ફેરફારો આપણી આંતરરાષ્ટ્રીય શિક્ષણ પ્રણાલીની અખંડિતતાને પુનઃસ્થાપિત કરવામાં મદદ કરશે અને એક એવી માઈગ્રેશન સિસ્ટમ બનાવવામાં મદદ કરશે જે નિષ્પક્ષ હશે, ટૂંકી હશે અને ઓસ્ટ્રેલિયા માટે સારા પરિણામો આપનાર હશે.'

વધુ વાંચો: હવે સરળતાથી મળી જશે જર્મનીની નાગરિકતા, ભારતીયોને થશે સીધો જ ફાયદો, જાણો વિગત

અહેવાલ છે કે ઓસ્ટ્રેલિયન સરકારે આ નિર્ણય એટલા માટે લીધો છે કે માત્ર જેન્યુઈન વિદ્યાર્થીઓને જ વિઝા મળી શકે અને દેશની અર્થવ્યવસ્થાને મદદ કરી શકે. સરકારી આંકડા દર્શાવે છે કે 2022માં ઓસ્ટ્રેલિયાની શૈક્ષણિક સંસ્થાઓમાં 1 લાખથી વધુ વિદ્યાર્થીઓએ એડમિશન લીધું હતી. આ સિવાય જાન્યુઆરીથી સપ્ટેમ્બર 2023 સુધીમાં 1.22 લાખ વિદ્યાર્થીઓ ઓસ્ટ્રેલિયામાં અભ્યાસ કરી રહ્યા હતા.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ