બ્રેકિંગ ન્યુઝ
Last Updated: 10:19 AM, 27 June 2024
વિદેશોથી સ્વદેશ મોકલવામાં આવેલી રકમ (રેમિટન્સ)ના મામલે ભારતે મજબૂત હાજરી નોંધાવી છે. વિદેશમાં રહેતા ભારતીયોએ ગયા વર્ષે એટલે કે 2023માં 120 બિલિયન ડોલર વતન મોકલ્યા. આ મેક્સિકોને સમાન સમયગાળામાં મળેલા $66 બિલિયનની સરખામણીમાં લગભગ બમણો આંકડો છે. માહિતી અનુસાર, વિશ્વ બેંક દ્વારા બહાર પાડવામાં આવેલા તાજેતરના અહેવાલમાં આ વાત કહેવામાં આવી છે. ચીન ($50 બિલિયન), ફિલિપાઇન્સ ($39 બિલિયન) અને પાકિસ્તાન ($27 બિલિયન) રેમિટન્સ પ્રાપ્ત કરનારા ટોચના પાંચ દેશોમાં સામેલ છે.
ADVERTISEMENT
વર્ષ 2023માં થયો 7.5 ટકાનો વધારો
અહેવાલ અનુસાર, વિશ્વ બેંકના રિપોર્ટમાં કહેવામાં આવ્યું છે કે 2021-2022 દરમિયાન મજબૂત વૃદ્ધિ પછી, 2023માં સત્તાવાર રીતે બહારથી મોકલવામાં આવેલા પૈસા અથવા રેમિટન્સ ઓછી અને મધ્યમ આવક ધરાવતા દેશો (LMIC)માં ઓછા રહ્યા અને તે 656 અબજ ડૉલર સુધી પહોંચી ગયા. ભારતના કિસ્સામાં, 2023 માં રેમિટન્સ 7.5 ટકા વધીને $120 બિલિયન થયું. આ યુએસમાં ઘટી રહેલા ફુગાવા અને મજબૂત શ્રમ બજારોના ફાયદા જણાવે છે.
ADVERTISEMENT
ભારતમાંથી કુશળ ઇમિગ્રન્ટ્સ માટે અમેરિકા પ્રાથમિકતા
રિપોર્ટ અનુસાર ભારતમાંથી કુશળ ઇમિગ્રન્ટ્સ માટે અમેરિકા સૌથી મોટું ડેસ્ટિનેશન છે. આ ઉપરાંત ગલ્ફ દેશો (GCC)માં કુશળ અને અર્ધ-કુશળ કામદારોની માંગની પણ રેમિટન્સ પર સકારાત્મક અસર પડી. પાકિસ્તાનના કિસ્સામાં પણ વિદેશમાં માંગ સારી હતી અને એના કારણે રેમિટન્સ પણ સારી રહી શક્યું હોત, પરંતુ ચુકવણી સંતુલન સંકટ અને આર્થિક મુશ્કેલીઓના કારણે નબળી આંતરિક સ્થિતિને કારણે 2023માં તે 12 ટકા ઘટીને 27 અબજ ડોલર થઈ ગઈ.
વધુ વાંચો: કેનેડા જનારા ભારતીય વિદ્યાર્થીઓની સંખ્યામાં એકાએક ઘટાડો, શું ટ્રુડોની નવી નીતિ છે જવાબદાર?
જ્યારે 2022માં તેને 30 અબજ ડોલર મળ્યા હતા. વિશ્વ બેંકના જણાવ્યા અનુસાર, પ્રવાસીઓ દ્વારા ભારતમાં મોકલવામાં આવેલા રેમિટન્સના સ્ત્રોતની દ્રષ્ટિએ અમેરિકા પછી યુનાઇટેડ આરબ અમીરાત બીજા ક્રમે છે. કુલ રેમિટન્સના 18 ટકા ત્યાંથી પ્રાપ્ત થયા છે.
લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.