બ્રેકિંગ ન્યુઝ
બ્રેકિંગ ન્યુઝ
VTV / મનોરંજન / ગુજરાતી સિનેમા / ઓસ્ટ્રેલિયામાં ઇન્ટરનેશનલ ગુજરાતી ફિલ્મ ફેસ્ટિવલનું આયોજન, ગુજરાતી સ્ટાર્સ સહિત ફિલ્મ ઈન્ડસ્ટ્રીઝના દિગ્ગજો રહ્યા હાજર
18 ફોટો ગેલેરી
Last Updated: 12:23 PM, 30 June 2024
FOLLOW ON
શેર કરો
1/18
ગુજરાતીઓની સાથે હવે ગુજરાતી ફિલ્મો પણ ગ્લોબલ બનતી જાય છે. ત્યારે આ વર્ષે ઇન્ટરનેશનલ ગુજરાતી ફિલ્મ ફેસ્ટિવલ-2024 ઓસ્ટ્રેલિયાના સિડનીના ઓપેરા હાઉસમાં યોજાયો છે.
આ તસવીર શેર કરો
2/18
ઇન્ટરનેશનલ ગુજરાતી ફિલ્મ ફેસ્ટિવલ એટલે કે IGFFની 5મી આવૃત્તિ 28 થી 30 જૂન, 2024 દરમિયાન યોજાઈ રહી છે. આજે આ ફેસ્ટિવલનો છેલ્લો દિવસ છે. ગયા વર્ષે શિકાગોમાં ફિલ્મ ફેસ્ટિવલને અદભૂત સફળતા મળ્યા બાદ આ વર્ષે ઓસ્ટ્રેલિયામાં વસતા ગુજરાતીઓ આ ફેસ્ટિવલની રાહ જોઈ રહ્યા હતા.
આ તસવીર શેર કરો
3/18
આ વર્ષે ઓસ્ટ્રેલિયાના સિડનીમાં ફેસ્ટિવલનું આયોજન કરવામાં આવ્યું હતું. અહીંના વિવિધ આકર્ષણો અને તેની હાઈ ડિમાન્ડને ધ્યાનમાં રાખીને આ વર્ષે ફેસ્ટિવલ માટે આ જગ્યાની પસંદગી કરવામાં આવી હતી.
આ તસવીર શેર કરો
4/18
ઇન્ટરનેશનલ ગુજરાતી ફિલ્મ ફેસ્ટિવલ (IGFF) ની ગ્રાન્ડ ઓપેનિંગ રેડ-કાર્પેટ ઇવેન્ટનું આયોજન આઇકોનિક સિડની ઓપેરા હાઉસ ખાતે કરવામાં આવ્યું હતું.
આ તસવીર શેર કરો
5/18
અગાઉ વર્ષ 2018 આ ફેસ્ટિવલનું આયોજન અમેરિકાના ન્યૂજર્સીમાં કરવામાં આવ્યું હતું, આ પછી વર્ષ 2019માં પણ અમેરિકાના લોસ એન્જલસમાં આયોજન કરવામાં આવ્યું હતું.
આ તસવીર શેર કરો
6/18
આ પછી બે વર્ષના સમયગાળા બાદ વર્ષ 2022માં એટલાન્ટામાં અને વર્ષ 2023માં શિકાગો ખાતે આ ફેસ્ટિવલનું આયોજન કરવામાં આવ્યું હતું.
આ તસવીર શેર કરો
7/18
વૈશ્વિક સ્તરે IGFF એ એક અનોખી ઓળખ બનાવી છે. આ ફેસ્ટિવલને દર વર્ષે દર્શકો તરફથી જબરદસ્ત પ્રતિભાવ મળી રહ્યો છે. જે આ વર્ષે પણ જોવા મળ્યો.
આ તસવીર શેર કરો
8/18
આ ફેસ્ટિવલમાં દર વર્ષે લગભગ 5000થી વધુ દર્શકો હાજરી આપે છે, જે એ વાતનું પ્રમાણ છે કે આ ફેસ્ટિવલને ખૂબ જ લોકપ્રિયતા મળી છે.
આ તસવીર શેર કરો
9/18
આ દર્શાવે છે કે વૈશ્વિક મંચ પર ગુજરાતી સિનેમાનો કેટલો પ્રચાર થઈ રહ્યો છે. ફિલ્મ ફેસ્ટિવલના ડાયરેક્ટર ફિલ્મ નિર્દેશક ઉમેશ શુકલા છે.
આ તસવીર શેર કરો
10/18
આ ઉપરાંત IGFFની 2024ની સિઝન માટે જ્યુરી મેમ્બર્સમાં અભિનેત્રી ગોપી દેસાઈ, લેખક જય વસાવડા, સ્ટોર્મ એશવુડ, ફેસ્ટિવલના સ્થાપક કૌશલ આચાર્યનો સમાવેશ થાય છે.
આ તસવીર શેર કરો
11/18
સિડનીમાં IGFFની પાંચમી આવૃત્તિએ સમગ્ર ઓસ્ટ્રેલિયાના દર્શકોને એક અવિસ્મરણીય સિનેમેટિક અનુભવ આપ્યો. સિડની ખાતે યોજાયેલ 3 દિવસીય ઇન્ટરનેશનલ ગુજરાતી ફિલ્મ ફેસ્ટિવલમાં ભાગ લેવા માટે ફિલ્મ રસિકો, ઉદ્યોગ વ્યાવસાયિકો અને ફિલ્મ ઇન્ડસ્ટ્રીના સભ્યો ઓસ્ટ્રેલિયા પહોંચ્યા હતા અને ફેસ્ટિવલમાં ભાગ લીધો હતો.
આ તસવીર શેર કરો
12/18
સાથે જ ઓસ્ટ્રેલિયા અને ન્યૂઝિલેન્ડમાં રહેતા અંદાજે 4000 થી વધુ ગુજરાતીઓ બેસ્ટ ગુજરાતી ફિલ્મોનો આનંદ માણ્યો. આ ફિલ્મ ફેસ્ટિવલ સિડનીના આપેરા હાઉસ ખાતે યોજાનારો દેશની પ્રાદેશિક ભાષાનો પ્રથમ ફિલ્મ ફેસ્ટિવલ બની ગયો છે.
આ તસવીર શેર કરો
13/18
ઇન્ટરનેશનલ ગુજરાતી ફિલ્મ ફેસ્ટિવલ-2024 માટે 11 ફિલ્મોની પસંદગી કરવામાં આવી છે. જેમાં, બચુભાઈ, બિલ્ડર બોયઝ, ફાટી ને?, હું એને તું, ઇટ્ટા કિટ્ટા, ઝમકુડી, કસૂંબો, લોચા લાપસી, સમંદર, વાર તેહવાર, વેનીલા આઈસક્રીમ જેવી ફિલ્મો સામેલ છે.
આ તસવીર શેર કરો
14/18
સિડનીના ઇન્ટરનેશનલ ગુજરાતી ફિલ્મ ફેસ્ટિવલમાં ગુજરાતી ફિલ્મ કલાકારો સહભાગી બન્યા. ગુજરાતી ફિલ્મ ઇન્ડસ્ટ્રીના જાણીતા ચહેરાઓએ હાજરી આપી જેમાં દેવેન ભોજાણી, સિદ્ધાર્થ રાંદેરિયા, પાન નલિન, ઉમેશ શુક્લા, હિતુ કનોડિયા, જય વસાવડા, મલ્હાર ઠાકર, રૌનક કામદાર, માનસી પારેખ, મોનલ ગજ્જર, શ્રદ્ધા ડાંગર, કિંજલ રાજપ્રિયા જેવા કલાકારો સામેલ હતા.
આ તસવીર શેર કરો
15/18
ઇન્ટરનેશનલ ગુજરાતી ફિલ્મ ફેસ્ટિવલ (IGFF) ની ગ્રાન્ડ ઓપેનિંગ રેડ-કાર્પેટ ઇવેન્ટ પહેલા બધા જ કલાકારો સિડની ઓપેરા હાઉસ પહોંચ્યા હતા, જેમાં સિદ્ધાર્થ રાંદેરિયા ઓપેરા હાઉસની બહાર પોઝ આપતા જોવા મળ્યા હતા, તો હિતુ કનોડિયા સાથે તેમની પત્ની મોના થિબા અને તેમનો દીકરો જોવા મળ્યા હતા. આ સિવાય ગુજરાતી અભિનેત્રી પણ જોવા મળી હતી.
આ તસવીર શેર કરો
16/18
રેડ-કાર્પેટ ઇવેન્ટમાં મલ્હાર ઠાકર, રૌનક કામદાર, મોનલ ગજ્જર, માનસી પારેખ, કિંજલ રાજપ્રિયા જેવા કલાકારોએ પણ પોઝ આપીને તસવીરો ક્લિક કરાવી હતી. આ ઇવેન્ટ દરમિયાન મલ્હાર ઠાકર શેરવાનીમાં જોવા મળ્યો, તો રોનક કામદાર જેકેટ પહેરીને પહોંચ્યો હતો. હિતુ કનોડિયા સફેદ ટક્સીડોમાં જોવા મળ્યા હતા.
આ તસવીર શેર કરો
17/18
કિંજલ રાજપ્રિયા પિંક-રેડ સાડીમાં ખૂબ જ સુંદર દેખાઈ, તો શ્રદ્ધા ડાંગર સફેદ સાડીમાં કોઈ અપ્સરા જેવી દેખાઈ રહી હતી. તો માનસી પારેખે આ ઇવેન્ટ માટે વેસ્ટર્ન આઉટફિટ પસંદ કર્યો હતો, જેમાં તે ખૂબ જ સુંદર દેખાઈ રહી હતી. મોના થિબાએ બ્લેક ગોલ્ડન ગાઉન પહેર્યો હતો.
આ તસવીર શેર કરો
18/18
જણાવી દઈએ કે આજે ફેસ્ટિવલનો છેલ્લો દિવસ છે અને આ ફેસ્ટિવલની પૂર્ણાહુતિ સિડની હાર્બર ખાતે સ્ટારશિપ ક્રૂઝમાં યોજાશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
