બ્રેકિંગ ન્યુઝ
Last Updated: 08:37 PM, 29 June 2024
દુનિયામાં અનેક એવી ઘટના સામે આવતી હોય છે કે તે સાંભળીને સૌ કોઈ ચોંકી જતા હોય છે. ત્યારે હાલમાં પણ એક આવી જ ચોંકાવનારી ઘટના પ્રકાશમાં આવી છે. તમને ખ્યાલ જ હશે કે લોકોને ઘણી વાર જૂની વસ્તુઓ ગમતી નથી. પરંતુ જ્યારે દારૂની વાત આવે છે, ત્યારે પરિસ્થિતિ બદલી જાય છે. ખરેખર, વાઇન વિશે એવું કહેવામાં આવે છે કે તે જેટલી જૂની હોય તેની કિંમત તેટલી વધારે હોય છે. પરંતુ જો વાઇન સો-બેસો વર્ષ જૂનો નહીં, પણ બે હજાર વર્ષ જૂનો હોય તો શું થાય ? ચાલો આજે તમને આ લેખમાં દુનિયાની સૌથી જૂની વાઇન વિશે જણાવીએ.
ADVERTISEMENT
ADVERTISEMENT
કાર્મોન સ્પેનનું એક શહેર છે. આ શહેર વિશ્વના સૌથી જૂના શહેરોમાંનું એક છે. અહીં જ્યારે એક પરિવાર તેમના ઘરનું સમારકામ કરી રહ્યો હતો, ત્યારે તેમને તેમના ઘરની નીચે એક કબર મળી. આ કબર લગભગ 2000 વર્ષ જૂની હતી. આ એક રોમન કબર હતી. તેને ખોલીને જોયું તો તેમાં ઘણી વસ્તુઓ હતી. જેમ કે અંતિમ સંસ્કારનો સામાન, માનવીના સડી ગયેલા હાડકા અને બરણીમાં લગભગ 5 લીટર ભૂરું પ્રવાહી. જ્યારે આ પ્રવાહીની તપાસ કરવામાં આવી ત્યારે તે હજારો વર્ષ જૂનો વાઈન હોવાનું જાણવા મળ્યું હતું.
આ બ્રાઉન લિક્વિડ વાઇન છે, તેની ઓળખ કોર્ડોબા યુનિવર્સિટીના ઓર્ગેનિક કેમિસ્ટ જોસ રાફેલ અને તેમની ટીમ દ્વારા કરવામાં આવી હતી. જ્યારે આ લોકોએ વાઈનનું પરીક્ષણ કર્યું તો તેમને ખબર પડી કે આ વાઈન અનેક પ્રકારના ફળોના રસમાંથી બનાવવામાં આવે છે. સંશોધકોને એ વાતથી સૌથી વધુ આશ્ચર્ય થયું હતું કે તે સમયે આ વાઇન કેવી રીતે એવી રીતે રાખવામાં આવી હતી કે તે હજુ પણ સાચવેલ છે. આ વાઇને 1867માં જર્મનીના સ્પીયર પાસેની રોમન કબરમાંથી મળેલી વાઇનના રેકોર્ડને તોડી નાખ્યો હતો. અહીં મળેલી વાઈન 1700 વર્ષ જૂની હતી.
વધુ વાંચો : રાષ્ટ્રપતિ પર કરાઇ બ્લેક મેજિકની કોશિશ, તપાસમાં થયો ચોંકાવનારા ષડયંત્રનો ખુલાસો, કરાઇ ધરપકડ
આજના સમયમાં તમને કબરમાં વાઇન જેવી વસ્તુ રાખવી અજીબ લાગશે. પરંતુ સદીઓ પહેલા રોમન સભ્યતામાં આ એક પરંપરા હતી. ખાસ કરીને એવા લોકો માટે કે જેઓ સમાજમાં ઉચ્ચ હોદ્દા પર હતા. જ્યારે આવા લોકો મૃત્યુ પામ્યા ત્યારે તેમની કબરોમાં દારૂ અને અન્ય ઘણી વસ્તુઓ રાખવામાં આવી હતી. રોમનો માનતા હતા કે આ કરવાથી તેઓ તેમના પ્રિયજનો માટે આદર દર્શાવે છે. આજે પણ ઘણી જગ્યાએ આવી પરંપરાઓનું પાલન કરવામાં આવે છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.