બ્રેકિંગ ન્યુઝ
Last Updated: 07:14 PM, 30 June 2024
Warren Buffett Wealth: દિગ્ગજ રોકાણકાર વોરેન બફેટએ ફરી એકવાર પોતાનું વિલ બદલ્યું છે. અમેરિકન રોકાણકાર વોરેન બફેટે વોલ સ્ટ્રીટ જર્નલને આપેલા ઈન્ટરવ્યુમાં પોતાની ઈચ્છા અંગે મોટો ખુલાસો કર્યો છે.
ADVERTISEMENT
ખરબોપતિ દિગ્ગજ રોકાણકાર વોરેન બફેટએ ફરી એકવાર તેમની વસિયત બદલી છે. અમેરિકન રોકાણકાર વોરેન બફેટે વોલ સ્ટ્રીટ જર્નલને આપેલા ઈન્ટરવ્યુમાં પોતાની ઈચ્છા અંગે મોટો ખુલાસો કર્યો છે. 133 બિલિયન ડૉલર એટલે કે લગભગ 1,10,87,45,85,50,000 રૂપિયાની સંપત્તિના માલિક વોરેન બફેટએ નક્કી કર્યું છે કે તેમના મૃત્યુ પછી તેમની સંપત્તિનું શું થશે.
વોરેન બફેટની મિલકતનું શું થશે?
ADVERTISEMENT
93 વર્ષના વોરન બફેટએ ફરીથી તેમનું વસિયતનામું બદલતા ખુલાસો કર્યો છે કે તેમના મૃત્યુ પછી તેમની સંપત્તિ નવા કરપાત્ર ટ્રસ્ટને આપવામાં આવશે. તેમણે કહ્યું કે તેમના મૃત્યુ બાદ તેમની બાકીની મિલકતના 99 ટકા નવા ચેરિટેબલ ટ્રસ્ટને આપવામાં આવશે. આ ટ્રસ્ટ તેમની પુત્રી અને તેમના બે પુત્રો દ્વારા સંયુક્ત રીતે બનાવવામાં આવશે. તેમના ત્રણ બાળકો આ વિલના એગ્જીક્યૂટર હશે.
બિલ અને મેલિન્ડા ગેટ્સ ફાઉન્ડેશનને આઘાત
બફેટે કહ્યું કે બિલ એન્ડ મેલિન્ડા ગેટ્સ ફાઉન્ડેશનને દાન આપવાનું ચાલુ રાખવાની તેમની કોઈ યોજના નથી. અગાઉની વસિયત મુજબ તેમની મિલકતનો મોટો હિસ્સો આ ફાઉન્ડેશનમાં જવાનો હતો. પરંતુ હવે તેમની મિલકત માટે એક નવું ચેરિટેબલ ટ્રસ્ટ બનાવવામાં આવશે, જે તેમના ત્રણ બાળકો સંયુક્ત રીતે ચલાવશે. જો કે અત્યાર સુધીમાં બફેટે બિલ ગેટ્સ ફાઉન્ડેશનને અબજોની સંપત્તિ ટ્રાન્સફર કરી દીધી છે. તેમણે પોતાની કંપનીના 5.3 બિલિયન શેર આ ટ્રસ્ટને દાનમાં આપ્યા હતા.
બાળકો પર વિશ્વાસ
તેણે કહ્યું કે તેના ત્રણ બાળકો પોતાની સેવાભાવી સંસ્થા ચલાવે છે. તેમણે કહ્યું કે મને મારા બાળકોમાં વિશ્વાસ છે કે તેઓ તેમના વારસાને યોગ્ય રીતે આગળ ધપાવશે અને પૈસાનો યોગ્ય ઉપયોગ કરી શકશે. તેમણે કહ્યું કે તેમણે બાળકોને આદેશ આપ્યો નથી, પરંતુ તેમને વિશ્વાસ છે કે બાળકો આ પૈસાનો ઉપયોગ ચેરિટી અને લોકોને મદદ કરવા માટે કરશે.
વોરેન બફેટ પાસે કેટલા શેર?
બફેટની કંપની બર્કશાયર હેથવે લગભગ $880 બિલિયનની કંપની છે. તેઓ BNSF રેલરોડ અને ગીકો કાર ઈન્સ્યોરન્સ સહિત ડઝનેક કંપનીઓના માલિક છે. બફેટ કંપનીમાં 14.5 ટકા હિસ્સો ધરાવે છે. ફોર્બ્સ અનુસાર તેમની સંપત્તિ 133 બિલિયન ડોલર છે.
વધુ વાંચોઃ કબરમાંથી નીકળ્યો 2000 વર્ષ જુનો દારુ, બીજું ઘણું ચોંકાવનારું, આ કારણથી ન બગડ્યો
દાનવિર તરીકે જાણીતા
વોરન બફે ઉદારતાથી દાન આપે છે. બફેટે ગયા વર્ષે તેમના પરિવારના ટ્રસ્ટને $870 મિલિયનનું દાન આપ્યું હતું. તેની પાસે બર્કશાયર હેથવેના 207,963 વર્ગ A અને 2,586 વર્ગ B શેર બાકી છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT