ધોધમાર આગાહી / અરબ સાગરમાં સાયક્લોનિક સર્ક્યુલેશન સક્રિય, જુલાઈમાં ભારેથી અતિભારે વરસાદની આગાહી

હવામાન નિષ્ણાંત અંબાલાલ પટેલે રાજ્યમાં ગાજવીજ અને ભારે પવન સાથે વરસાદની આગાહી કરી છે. તેમણે કહ્યું કે ઉત્તર અરબ સાગરમાં બનતું સાયકલોનિક સર્ક્યુલેશન ગુજરાતને અસર કરશે.

એક બાદ એક લો પ્રેશરના કારણે જુલાઈમાં ભારેથી અતિભારે વરસાદની શક્યતા અંબાલાલે દર્શાવી છે.. આગામી બે દિવસ મધ્ય ગુજરાતનાં ભાગોમાં મધ્યમ થી ભારે વરસાદી ઝાપટાની આગાહી તેમણે કરી છે. અમદાવાદ અને ગાંધીનગરમાં ભારે વરસાદી ઝાપટા પડવાની આગાહી અંબાલાલે કરી છે.

મહેસાણા સહિત સમગ્ર ઉત્તર ગુજરાતમાં વરસાદની આગાહી અંબાલાલે કરી છે. હિંમતનગર, સાબરકાંઠા, ખેડબ્રહ્મા, ઇડરમાં પણ વરસાદની આગાહી કરવામાં આવી છે.

અરબી સમુદ્રમાં લો પ્રેશર સિસ્ટમ બનશે જેનાથી ભારે વરસાદની આગાહી અંબાલાલે કરી છે. 5 થી 12 જુલાઈમાં રાજ્યમાં અતિભારે વરસાદની શક્યતા તેમણે દર્શાવી છે. અમદાવાદમાં અષાઢી બીજે સાંજના સમયે સારો વરસાદ રહેશે તેવું અંબાલાલે કહ્યું

આ પણ વાંચોઃ પાવાગઢમાં વાગ્યો મેઘાનો પાવો, ધોધમાર વરસાદથી પગથિયા બન્યાં ધોધ

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ