માર્કેટ મજામાં / શેર બજારની મંગળ શરૂઆત: પ્રથમવાર સેન્સેક્સ 80 હજારને ક્રોસ થયો, નિફ્ટી પણ તેજીમાં, રોકાણકારોને મોજ

પ્રી-ઓપનિંગ સેશનમાં રેકોર્ડ બનાવ્યા બાદ બજાર ખૂલ્યા પછી પણ સેન્સેક્સ અને નિફ્ટી નવા ઓલટાઇમ હાઈ પર ખુલ્યા છે. શેરબજારે આજે ઈતિહાસ રચ્યો છે, સેન્સેક્સ પ્રથમ વખત 79,800ની ઉપર રેકોર્ડ હાઈ પર ખુલ્યો હતો.

નિફ્ટી, સેન્સેક્સ અને મિડકેપ ઇન્ડેક્સ નવી લાઇફ હાઇ પર ખૂલ્યા. સેન્સેક્સ 364 પોઈન્ટ વધીને 79,840 પર ખુલ્યો હતો. નિફ્ટી 87 પોઈન્ટ વધીને 24,228 પર અને બેન્ક નિફ્ટી 219 પોઈન્ટ વધીને 52,793 પર ખુલ્યો હતો. સ્મોલકેપ ઈન્ડેક્સમાં પણ વધારો જોવા મળ્યો હતો. સૌથી વધુ ઉછાળો આઇટી શેર્સમાં નોંધાયો હતો.

આ સાથે જ BSE પર લિસ્ટેડ કંપનીઓના માર્કેટ કેપમાં રૂ. 1.25 લાખ કરોડનો વધારો થયો છે, એટલે કે બજાર ખુલતાની સાથે જ રોકાણકારોની સંપત્તિમાં રૂ. 1.25 લાખ કરોડનો વધારો થયો છે.

વધુ વાંચો: 3 વર્ષમાં પ્રથમ વાર GST કલેક્શન ગ્રોથ રેટ મંદ પડ્યો, આંકડો જાણીને ચોંકી જશો

જુલાઈ 1, 2024ના રોજ, BSE તમામ શેરની કુલ માર્કેટ કેપ રૂ. 4,43,05,344.36 કરોડ હતી. આજે એટલે કે 2 જુલાઈ, 2024ના રોજ બજાર ખુલતાની સાથે જ તે 4,44,30,873.36 કરોડ રૂપિયા પર પહોંચી ગયું છે. મતલબ કે રોકાણકારોની મૂડીમાં રૂ. 1,25,529 કરોડનો વધારો થયો છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ