જૂનાગઢ / ગીરનાર પર્વત પર 8 ઈંચ વરસાદથી જૂનાગઢ પાણી-પાણી, કાળવા નદીમાં ઘોડાપૂર, શાળાઓમાં રજા જાહેર

જૂનાગઢમાં મેઘરાજા મન મુકીને વરસ્યા છે. જૂનાગઢના ગીરનાર પર્વત પર 8થી 10 ઈંચ વરસાદ પડ્યો છે. ગીરનાર પર્વત પર ભારે વરસાદને કારણે ભવનાથ વિસ્તારમાં પાણીની નદીઓ વહી હતી. જુનાગઢથી ભવનાથના રસ્તા ઉપર પાણી ભરાયા હતા. ભારે વરસાદને કારણે શહેરનો વિલીંગ્ડન ડેમ અને દામોદર કુંડ ઓવરફ્લો થયો છે

વિલીંગ્ડન ડેમ ઓવરફ્લો થયો

જૂનાગઢનો વિલીંગ્ડન ડેમ ઓવરફ્લો થયો છે, ગીરનાર અને દાતાર પર્વત પર ધોધમાર વરસાદથી ડેમમાં આવક થઇ છે. પ્રથમ વરસાદમાં જ વિલીંગ્ડન ડેમ ઓવરફ્લો થતાં જૂનાગઢવાસીઓની પાણીની સમસ્યાનો અંત આવ્યો. ડેમ એક ફૂટની સપાટીથી ઓવરફ્લો થયો છે. ડેમમાં હજુ પણ પાણીની આવકમાં સતત વધારો થઈ રહ્યો છે. ડેમ ઓવરફ્લો થતાં જૂનાગઢના મધ્યમાંથી પસાર થતી કાળવા નદીમાં ઘોડાપૂર આવ્યું છે.મોટી સંખ્યામાં લોકો ડેમ પર નજારો માણવા પહોંચ્યા છે

આ પણ વાંચો: ગુજરાતમાં એકસાથે 30 મામલતદારની બદલીના આદેશ, જુઓ કોને ક્યા અપાયું પોસ્ટિંગ

વરસાદથી શાળાઓમાં રજા જાહેર

જૂનાગઢ જિલ્લામાં ભારે વરસાદથી શાળાઓમાં રજા જાહેર કરવામાં આવી છે. માધ્યમિક અને ઉચ્ચ માધ્યમિક શાળાઓમાં આવતીકાલે રજા જાહેર કરાઈ છે. ભારે વરસાદથી તંત્રએ નિર્ણય લીધો છે. શાળાના તમામ સ્ટાફને હેડ ક્વાર્ટર પર હાજર રહેવા સૂચના આપવામાં આવી છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ