વરસાદી માહોલ / અમદાવાદમાં જળબંબાકાર! અનેક વિસ્તારોમાં ધોધમાર વરસાદથી ભરાયા પાણી, જુઓ વીડિયો

અમદાવાદ પર મેઘરાજા મહેરબાન થયા છે.. શહેરના મોટાભાગના વિસ્તારોમાં વરસાદી માહોલ છવાયેલો છે... યુનિવર્સિટી વિસ્તારમાં ધીમીધારે વરસાદ વરસી રહ્યો છે

SG હાઇવે, બોપલ, આંબલી સેટેલાઇટ સહિતના વિસ્તારોમાં વરસાદી વાતાવરણ છે. સતત વરસાદને પગલે હેલમેટ સર્કલ સહિતના વિસ્તારોમાં પાણી ભરાવવાથી વાહન ચાલકોને ભારે હાલાકીનો સામનો કરવો પડ્યો હતો

અમદાવાદ શહેરમાં આગામી ત્રણ કલાક માટે એટલે કે સાંજના સાત વાગ્યા સુધીમાં ભારે પવન ફૂંકાવાની સાથે વીજળીના ચમકારા થશે તેવું હવામાન નિષ્ણાંતોનું કહેવું છે .. સાથે જ મધ્યમ વરસાદની શક્યતાઓ છે.

આગામી 2 દિવસ ભારે વરસાદની આગાહી છે

ગુજરાતમાં આવનારા 2 દિવસ ભારે વરસાદની આગાહી હવામાન વિભાગે કરી છે.. આગામી 2 દિવસ રાજ્યના તમામ જિલ્લાઓમાં વરસાદની આગાહી કરવામાં આવી છે.સેટેલાઇટ તસવીરોમાં મધ્ય, દક્ષિણ અને ઉત્તર ગુજરાત પર વરસાદી સિસ્ટમ દેખાઇ રહી છે. આવનારા 2 દિવસમાં મધ્ય અને ઉત્તર ગુજરાતમાં ભારે વરસાદની સંભાવના છે. કચ્છ અને ઉત્તર સૌરાષ્ટ્ર પર પણ વરસાદી સિસ્ટમ સક્રિય થઇ છે.. છોટાઉદેપુર, દાહોદ અને આણંદમાં પણ 2 દિવસ વરસાદની આગાહી છે...

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ