તમારા કામનું / બેંકમાં કામે જતા પહેલા રજાનું લિસ્ટ ચેક કેરી લેજો, જુલાઈમાં 12 દિવસ બેંક રહેશે બંધ

Bank Holiday July 2024 : આપણે દરરોજ બેંકમાં આપણાં રોજિંદા વ્યવહારો કરતાં હોઈએ છીએ. બેંકો એક મહત્વપૂર્ણ નાણાકીય સંસ્થા છે જેના વિના ઘણા મહત્વપૂર્ણ કાર્યો અટકી જાય છે. ચેક જમા કરાવવાથી માંડીને એક ખાતામાંથી બીજા ખાતામાં નાણાં ટ્રાન્સફર કરવા માટે રોકડ વ્યવહાર વગેરે માટે બેંકમાં જવું પડે છે જો બેંક બંધ હોય તો ગ્રાહકોનો સમય વેડફાય છે. આવી સમસ્યાઓથી બચવા માટે ભારતીય રિઝર્વ બેંક દર મહિનાની શરૂઆત પહેલા બેંક રજાઓની યાદી બહાર પાડે છે. RBIએ જુલાઈમાં આવતી રજાઓ વિશે પણ માહિતી આપી છે. તમે આ યાદી જોઈને તમારા કામની યોજના બનાવી શકો છો.

જુલાઈમાં બેંકો 12 દિવસ બંધ રહેશે

જુલાઈના 31 દિવસોમાંથી કુલ 12 દિવસ બેંકમાં રજા રહેશે. આમાં બીજા અને ચોથા શનિવાર અને દર રવિવારની રજાનો પણ સમાવેશ થાય છે. આ ઉપરાંત રાજ્યોમાં સ્થાનિક તહેવારો અને મોહરમને કારણે બેંકો પણ બંધ રહેશે.

આ રીતે રજાઓમાં મહત્વપૂર્ણ કામ પૂર્ણ કરો

બદલાતા સમય સાથે બેંકિંગ સિસ્ટમમાં મોટા ફેરફારો થયા છે. હવે ગ્રાહકો રજાના દિવસે પણ મોબાઈલ બેન્કિંગ અને નેટ બેન્કિંગ દ્વારા એક ખાતામાંથી બીજા ખાતામાં પૈસા ટ્રાન્સફર કરી શકશે. આ માટે તમે UPI નો પણ ઉપયોગ કરી શકો છો. તમે રોકડ ઉપાડ માટે ATM નો ઉપયોગ કરી શકો છો.

વધુ વાંચો : UP-બિહારથી લઈને MP-રાજસ્થાન સુધી ભારે વરસાદની શક્યતા, જાણો નવી આગાહી

જુલાઈ 2024માં આટલા દિવસો સુધી બેંકો બંધ રહેશે

• 3 જુલાઇ 2024ના રોજ Beh Dienkhlamના તહેવારને કારણે શિલોંગમાં બેંક રજા રહેશે.
• 6 જુલાઈ 2024ના રોજ MHIPપી ડેના કારણે આઈઝોલમાં બેંકોમાં રજા રહેશે.
• રવિવાર, જુલાઈ 7, 2024.
• 8મી જુલાઈ 2024ના રોજ કંગના રથયાત્રા નિમિત્તે ઈમ્ફાલમાં બેંકો બંધ રહેશે.
• 9 જુલાઈ 2024 ના રોજ દ્રુકપા ત્સે-જીના અવસર પર ગંગટોકમાં બેંક રજા રહેશે.
• 13મી જુલાઈ 2024 ના રોજ બીજો શનિવાર.
• 14મી જુલાઈ 2024 રવિવારની રજા.
• 16 જુલાઈ 2024 ના રોજ હરેલાના અવસર પર દેહરાદૂનમાં બેંકો બંધ રહેશે.
• 17 જુલાઈના રોજ મોહરમ નિમિત્તે અમદાવાદ, પણજી, ભુવનેશ્વર, ચંદીગઢ, ગંગટોક, ગુવાહાટી, ઈમ્ફાલ, ઈટાનગર, કોચી, કોહિમા અને ત્રિવેન્દ્રમ સિવાય સમગ્ર દેશમાં બેંકોમાં રજા રહેશે.
• 21મી જુલાઈ 2024 ના રોજ રવિવારની રજા.
• 27 જુલાઈ 2024 ના રોજ ચોથા શનિવારની રજા.
• 28 જુલાઈ 2024 ના રોજ રવિવારની રજા.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ