ક્રિકેટ / PICTURES : સૂર્યકુમાર યાદવ વર્લ્ડ કપ ટ્રોફી લઈને પત્ની દેવીશા સાથે સુતો, વાયરલ થઈ તસવીર

ટીમ ઈન્ડીયાના સ્ટાર ખેલાડી સૂર્યકુમાર યાદવે દક્ષિણ આફ્રિકાના ડેવિડ મીલરનો શાનદાર કેચ ઝડપ્યો હતો. ટી 20 વર્લ્ડ કપની ફાઈનલમાં સૂર્યકુમારના શાનદાર કેચને કારણે જ બાજી પલટાઈ ગઈ હતી. જ્યારે દક્ષિણ આફ્રિકાને 6 બોલમાં 16 રન બનાવવાના હતા અને ડેવિડ મિલર ક્રિઝ પર હતો. હાર્દિકે ઓફ સ્ટમ્પ પર લો ફુલ ટોસ ફેંક્યો હતો. મિલરે એક શોટ રમ્યો જે બાઉન્ડ્રીની બહાર ગયો. સૂર્યકુમારે બાઉન્ડ્રીની બહાર જતાં કેચ લીધો, બોલને બાઉન્સ કર્યો અને બાઉન્ડ્રીની અંદર આવ્યા બાદ કેચ પૂરો કર્યો અને મીલર આઉટ થઈ જતાં ભારતના પક્ષમાં બાજી આવી ગઈ હતી.

View this post on Instagram

A post shared by ICC (@icc)

સૂર્યકુમાર અને પત્ની દેવીશા ટ્રોફી સાથે સુતા

સૂર્યકુમાર યાદવ અને તેની પત્ની દેવીશાએ ટી 20 વર્લ્ડ કપ ટ્રોફી સાથે સુતેલી અવસ્થામાં ફોટો શેર કર્યો હતો. ફોટો શેર કરતી વખતે, સૂર્યાએ કેપ્શન લખ્યું, 'રાત્રે સારી ઊંઘ આવશે. દેવીશા દરેક મેચમાં ટીમ ઈન્ડિયાને સપોર્ટ કરવા આવે છે. તે T-20 વર્લ્ડ કપ ફાઇનલમાં ટીમને સપોર્ટ કરવા સ્ટેડિયમ પહોંચી હતી. મેચ દરમિયાન તેની પ્રતિક્રિયા જોવા મળી હતી. ટીમ ઈન્ડિયાની જીત બાદ તેણે ઈન્સ્ટાગ્રામ પર બે તસવીરો શેર કરી છે, જેમાં તે વર્લ્ડ કપ ટ્રોફી સાથે જોવા મળી રહી છે. પ્રથમ તસ્વીરમાં સૂર્ય કુમાર યાદવ અને દેવીશા ટ્રોફી જોતા જોવા મળે છે, જ્યારે બીજી તસ્વીરમાં સૂર્ય અને દેવીશા સુતા છે.

View this post on Instagram

A post shared by Devisha Suryakumar Yadav (@devishashetty_)

સૂર્યકુમાર કોલેજ ફ્રેન્ડ સાથે લગ્ન કરેલા છે

સૂર્યાએ તેની કોલેજ ફ્રેન્ડ દેવીશા સાથે 2016માં લગ્ન કર્યા હતા અને તેને છ વર્ષ સુધી ડેટ કર્યા બાદ બંને પહેલીવાર 2010માં મળ્યા હતા.