ટી 20 વર્લ્ડ કપ / 'જે લખેલું છે તે થાય જ છે' ફિલોસોફર બન્યો રોહિત શર્મા, કરી દિલ જીતી લેતી વાત

ટી 20 વર્લ્ડ કપ જીત્યા બાદ રોહિત શર્માએ પોતાના સંન્યાસને લઈને એક મોટું નિવેદન આપ્યું છે. રોહિતે કહ્યું કે હું માનું છું કે જે ભાગ્યમાં લખેલું હોય છે તે બને જ છે. મને લાગે છે કે જે પણ થયું તે અગાઉથી લખાયેલું હતું. પરંતુ મેચ પહેલા શું લખ્યું છે તે ખબર નથી. આ રમત છે, આ રમત છે. મેં ક્યારેય ટી-20 ક્રિકેટમાંથી નિવૃત્તિ લેવાનું વિચાર્યું નથી. વર્લ્ડ કપ ટ્રોફી સાથે નિવૃત્તિ લેવાથી વધુ સારું શું હોઈ શકે?

IPL રમવાનું ચાલુ રાખીશ

દક્ષિણ આફ્રિકા સામે T20 વર્લ્ડ કપની ફાઇનલમાં સાત રનથી રોમાંચક જીત બાદ મીડિયા સાથે વાત કરતા રોહિતે કહ્યું કે T20ને અલવિદા કહેવા માટે આનાથી વધુ સારો સમય ન હોઈ શકે. રોહિતે કહ્યું કે તે IPL રમવાનું ચાલુ રાખશે.

'જે કંઈ છે બને તે લખેલું હોય છે'

જ્યારે રોહિતને પૂછવામાં આવ્યું કે જો ભારત સાત મહિના પહેલા ઘરઆંગણે વનડે વર્લ્ડ કપ જીત્યું હોત તો શું તે T20 પહેલા સંન્યાસ લઈ લેત, આ સવાલના જવાબમાં રોહિતે કહ્યું કે મેં ક્યારેય વિચાર્યું નહોતું કે હું T20માંથી નિવૃત્ત થઈશ, પરંતુ પરિસ્થિતિ એવું છે કે મને લાગ્યું કે તે મારા માટે યોગ્ય સમય છે. વર્લ્ડકપ જીત્યા બાદ નિવૃત્તિ લેવાથી વધુ સારું બીજું કંઈ ન હોઈ શકે. રોહિતે દાર્શનિક અંદાજમાં કહ્યું કે જે કંઈ છે બને છે તે લખેલું હોય છે.

રોહિતે કર્યાં 3 મોટા રેકોર્ડ

ફાઈનલ જીતવાની સાથે રોહિતના નામે ઘણા રેકોર્ડ નોંધાયા છે, જેને તોડતા કોઈ પણ ખેલાડીને પરસેવો પડી શકે છે.

(1) 50 T20 ઈન્ટરનેશનલ મેચ જીતનાર પ્રથમ કેપ્ટન

ભારતના સ્ટાર ક્રિકેટર રોહિત શર્મા 50 T20 ઇન્ટરનેશનલ મેચ જીતનાર વિશ્વનો પ્રથમ કેપ્ટન બની ગયો છે. તેણે સાઉથ આફ્રિકા સામે તેની ટી20 કારકિર્દીની છેલ્લી મેચ દરમિયાન આ સિદ્ધિ મેળવી હતી. રોહિતે 2021માં ટીમની કમાન સંભાળી હતી અને ત્યારથી તેણે 62 મેચોમાં ટીમનું નેતૃત્વ કર્યું છે અને 50 મેચ જીતી છે. તેમાં કોઈ શંકા નથી કે તેની T20 ઈન્ટરનેશનલ કારકિર્દીની સૌથી મહત્વપૂર્ણ મેચ દક્ષિણ આફ્રિકા સામેની ફાઈનલ હતી.

(2) બીજી વખત T20 વર્લ્ડ કપ જીતનાર ભારતીય ખેલાડી રોહિત શર્મા

રોહિત શર્મા 2007માં T20 વર્લ્ડ કપ જીતનારી ટીમનો ભાગ હતો. ફાઇનલમાં તેણે 16 બોલમાં 30 રનની મહત્વપૂર્ણ ઇનિંગ રમી હતી. તે સમયે એમએસ ધોની ટીમના કેપ્ટન હતા. આ વખતે તે કેપ્ટન તરીકે રમવા આવ્યો અને ટીમને ચેમ્પિયન બનાવી. આ સાથે તે બે વખત T20 વર્લ્ડ કપ જીતનાર પ્રથમ ભારતીય ક્રિકેટર બન્યો છે.

વધુ વાંચો : જતાં જતાં 3 મોટા રેકોર્ડ કરતો ગયો રોહિત શર્મા, તોડતાં ક્રિકેટરને પડશે પરસેવો

(3) 100 ટકા જીતનો રેકોર્ડ

રોહિત શર્મા 100 ટકા જીતના રેકોર્ડ સાથે T20 વર્લ્ડ કપ જીતનાર પ્રથમ કેપ્ટન બની ગયો છે. આ પહેલા ODI વર્લ્ડ કપમાં ટીમે સતત મેચ જીતીને ફાઇનલમાં પ્રવેશ મેળવ્યો હતો. ફોર્મેટ બદલાયું પરંતુ રોહિતનો દબદબો યથાવત રહ્યો. જ્યારે ભારતે છેલ્લે 2007માં T20 વર્લ્ડ કપ જીત્યો હતો, ત્યારે તે ન્યૂઝીલેન્ડ સામેની ગ્રુપ મેચમાં 10 રનથી હારી ગયું હતું. જોકે, અમેરિકા અને વેસ્ટ ઈન્ડિઝમાં રમાયેલા વર્લ્ડ કપમાં ભારત અપરાજિત રહ્યું હતું.