મરણનો મલાજો ચૂક્યાં / VIDEO : મેચ જોવા માટે પરિવારે અંતિમ સંસ્કાર અટકાવી દીધાં, બાજુમાં નનામી રાખીને બેઠો

એક ઠેકાણે તો લોકોને મેચ જોવાની એટલી તાલાવેલી લાગી કે તેમણે ગુજરી ગયેલા કોઈ સભ્યના અંતિમ સંસ્કાર અટકાવી દીધાં. કદાચ પરિવારજનો એવું વિચારતા હશે કે હવે આમેય તે આદમી તો મરી ગયો છે પરંતુ મેચની મજા શું કામ જવા દેવી? દક્ષિણ અમેરિકાના ચીલીમાં બનેલી એક ઘટનાએ સોશિયલ મીડિયા પર ખળભળાટ મચાવી દીધો છે. બન્યું એવું કે એક પરિવારે પોતાના પ્રિયજનના અંતિમ સંસ્કાર એટલા માટે રોકી દીધા કારણ કે સામે એક રોમાંચક મેચ ચાલી રહી હતી.

શબપેટી પાસે માણસો, ચાલી રહી છે લાઈવ મેચ

વાયરલ થઈ રહેલી ક્લિપમાં, પરિવારને મૃતક સંબંધીના શબપેટીની બાજુમાં બેઠેલા જોઈ શકાય છે જ્યારે સામે મોટા સ્ક્રીન પ્રોજેક્ટર પર ચિલી અને પેરુ વચ્ચે ફૂટબોલ મેચ જોઈ રહ્યા હતા. શબપેટીને ફૂલો અને ફૂટબોલ ખેલાડીઓની જર્સીથી શણગારવામાં આવી છે. શબપેટી પાસેના પ્રાર્થના ખંડમાં એક પોસ્ટરમાં લખ્યું હતું, "અંકલ ફૈના, તમે અમને આપેલી ખુશીની ક્ષણો માટે આભાર. અમે તમને હંમેશા યાદ રાખીશું.

વધુ વાંચો : કચ્છમાં દારુમાં પકડાયેલી લેડી કોન્સ્ટેબલ નીતા ચૌધરી કોણ? હેલિકોપ્ટરથી ઉડીતી, રાજા જેવું જીવન

'હું મરી જઈશ ત્યારે મારી સાથે પણ આવું થશે'

વીડિયો સામે આવ્યા બાદ લોકોની અલગ-અલગ પ્રતિક્રિયાઓ સામે આવી રહી છે. આના પર લોકો પરિવારના વખાણ કરી રહ્યા છે. એક યુઝરે લખ્યું કે ચિલી અને પેરુ વચ્ચેની ફૂટબોલ મેચ જોવા માટે એક પરિવારે અંતિમ સંસ્કાર અટકાવ્યો. પરિવાર પ્રાર્થના રૂમમાં મોટી સ્ક્રીન પર મેચ જોઈ રહ્યો છે. તેઓએ શબપેટીને પણ શણગારી છે. એક યુઝરે કહ્યું, "એવું લાગે છે કે તેઓ તેની સાથે તેની છેલ્લી રમત જોઈ રહ્યા છે. તમે શબપેટી પર ટ્રોફી અને જર્સી જોઈ શકો છો ."બીજાએ લખ્યું, "હું આશા રાખું છું કે જ્યારે હું મરી જઈશ ત્યારે મારો પરિવાર પણ આવું જ કરશે." ત્રીજા વ્યક્તિએ ટિપ્પણી કરી, "1000% આ જ તે ઇચ્છતો હોત." અન્ય એક વ્યક્તિએ કહ્યું, "જો ભાઈ રમવા માટે ઊભો નહીં થાય, તો તે ખરેખર ગયો છે." "તેઓ તેની સાથે તેની છેલ્લી મેચ જોઈને તેને શ્રદ્ધાંજલિ આપી રહ્યા છે.