સ્પોર્ટ્સ / T20 વર્લ્ડ કપ હારનારી ટીમ પણ આટલા રૂપિયા છાપશે, વિનર થશે માલામાલ, જુઓ પ્રાઈઝમનીનું લિસ્ટ

ICC મેન્સ ટી20 વર્લ્ડ કપ 2024ની આજે ફાઈનલ ભારત-સાઉથ આફ્રીકાની વચ્ચે છે. ટી20 વર્લ્ડ કપનું ફાઈનલ ભારતીય સમયાનુસાર રાત્રે 8 વાગ્યે બ્રિઝટાઉનના કેંસિંગ્ટન ઓવલ મેદાનમાં છે. ટી20 વર્લ્ડકપમાં આ વખતે ફાઈનલ જીતનાર ટીમ તો માલામાલ થશે જ. ત્યાં જ જે ટીમ હારશે એટલે કે રનરઅપ હશે તે પણ માલામાલ થશે. આંતરરાષ્ટ્રીય ક્રિકેટ પરિષદે આ મેગા ઈવેન્ટ માટે મેગા પ્રાઈઝ મનીની જાહેરાત કરી છે.

વિજેતા ટીમને રેકોર્ડ બ્રેક પ્રાઈઝ મની

ટી20 વર્લ્ડકપ 2024 વિજેતા ટીમને લગભગ 20.36 કરોડ રૂપિયા મળશે. ટી20 વર્લ્ડ કપના ઈતિહાસમાં પહેલી વખત વિજેતા ટીમને આ રકમ મળશે. ત્યાં જ ફાઈનલમાં હારનાર ટીમ એટલે કે ઉપ-વિજેતાને લગભગ 10.64 કરોડ રૂપિયા મળશે.

ખાસ વાત એ છે કે સેમીફાઈનલમાં પહોંચનાર ટીમોને એક સરખા 6.54 કરોડ રૂપિયા આપવામાં આવશે. એટલે કે અફઘાનિસ્તાન અને ઈંગ્લેન્ડની ટીમ પણ માલામાલ થઈ છે. ટી20 વર્લ્ડ કપમાં આ વખતે 20 ટીમોએ ભાગ લીધો છે. કુલ મળીને આ વખતે દરેક ટીમને આઈસીસીની તરફથી કંઈકને કંઈક ઈનામ આપવામાં આવશે. સુપર-8થી આગળ ન વધનાર ટીમોમાંથઈ દરેકને 3,82,500 ડોલર આપવામાં આવ્યા.

વધુ વાંચો: શનિવારના દિવસે ભુલથી પણ ન કરો આ કામ, શનિદેવ થઈ જશે નારાજ, થઈ શકે છે મોટુ નુકસાન

93.51 કરોડ રૂપિયા વહેચશે આઈસીસી

નવમાં 12માં સ્થાન સુધી રહેતી ટીમોમાં દરેકને 2,47,500 ડોલર મળશે. જ્યારે 13માંથી 20માં સ્થાન સુધી રહેનાર ટીમોમાંથી દરેકને 2,25,000 ડોલર (લગભગ 1.87 કરોડ) મળશે. તેના ઉપરાંત મેચ જીતવા પર ટીમને વધારેમાં વધારે 31,154 ડોલર મળશે. ટી20 વર્લ્ડકપ માટે કુલ 11.25 મિલિયન ડોલરની પ્રાઈઝ મની નક્કી કરવામાં આવી છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ