બિઝનેસ / ફટાફટ લઇ લો! આજે ફરીથી ઘટ્યા સોના-ચાંદીના ભાવ, અવસર આવ્યો છે, ચૂકી ન જતા

Gold Silver Price : સોના-ચાંદીના ભાવિ ભાવમાં આજે નરમાઈ જોવા મળી રહી છે. જોકે સોનાના વાયદાના ભાવમાં વધારા સાથે શરૂઆત થઈ હતી. પરંતુ બાદમાં તેની કિંમત ઘટવા લાગી. આજે સવારે 10 વાગ્યા સુધી સોનાના વાયદાના ભાવ રૂ.71,400ની આસપાસ ટ્રેડ થઈ રહ્યા હતા જ્યારે ચાંદીના વાયદાના ભાવ રૂ.86,850ની આસપાસ ટ્રેડ થઈ રહ્યા હતા. આંતરરાષ્ટ્રીય બજારમાં સોનાના વાયદાના ભાવમાં મજબૂત શરૂઆત બાદ સુસ્તી જોવા મળી રહી છે જ્યારે ચાંદીના વાયદાના ભાવમાં તેજીની ઝડપે કારોબાર થઈ રહ્યો છે.

સોનાના વાયદામાં મજબૂત શરૂઆત બાદ ઘટાડો

સોનાના વાયદાના ભાવમાં આજે ઉછાળા સાથે શરૂઆત થઈ હતી. પરંતુ બાદમાં તેના ભાવમાં ઘટાડો થયો હતો. મલ્ટી કોમોડિટી એક્સચેન્જ (MCX) પર સોનાનો બેન્ચમાર્ક ઓગસ્ટ કોન્ટ્રાક્ટ આજે રૂ. 51ના વધારા સાથે રૂ. 71,518 પર ખૂલ્યો હતો. આ કોન્ટ્રેક્ટ રૂ.54ના ઘટાડા સાથે રૂ.71,413ના ભાવે ટ્રેડ થઇ રહ્યો હતો. આ સમયે તે દિવસની ઊંચી સપાટીએ રૂ. 71,522 અને દિવસની નીચી સપાટી રૂ. 71,370 પર પહોંચ્યો હતો. નોંધનિય છે કે, સોનાના વાયદાનો ભાવ ગયા મહિને રૂ. 74,442ની સર્વોચ્ચ સપાટીએ પહોંચ્યો હતો.

ચાંદીના વાયદાની શરૂઆત આજે સુસ્તી સાથે થઈ હતી. MCX પર ચાંદીનો બેન્ચમાર્ક જુલાઈ કોન્ટ્રાક્ટ આજે રૂ. 76ના ઘટાડા સાથે રૂ. 86,861 પર ખૂલ્યો હતો. આ કોન્ટ્રાક્ટ રૂ.87ના ઘટાડા સાથે રૂ.86,850 પર ટ્રેડ કરી રહ્યો હતો. આ સમયે તે દિવસના ઉચ્ચ સ્તરે રૂ. 87,141 અને દિવસની નીચી સપાટી રૂ. 88,850 પર પહોંચ્યો હતો. ગયા મહિને ચાંદીના વાયદાના ભાવ રૂ. 96,493ની સર્વોચ્ચ સપાટીએ પહોંચ્યા હતા.

વધુ વાંચો : એક જ વર્ષમાં પૈસા ટ્રિપલ.., જબરદસ્ત કમાણી કરાવી રહ્યો છે આ શેર, રોકેટની જેમ ભાગશે!

સોના અને ચાંદીમાં ચમક જોવા મળી હતી

આંતરરાષ્ટ્રીય બજારમાં સોના અને ચાંદીના વાયદાના ભાવ ઊંચા સ્તરે શરૂ થયા છે. પરંતુ બાદમાં બંનેના ભાવ ઘટવા લાગ્યા. કોમેક્સ પર સોનું $2,331.80 પ્રતિ ઔંસ પર ખુલ્યું. અગાઉનો બંધ ભાવ $2,330.80 પ્રતિ ઔંસ હતો. સવારે 10 વાગ્યા આસપાસ તે $ 2.20 ની નીચે $ 2,328.60 પ્રતિ ઔંસના ભાવે ટ્રેડ થઈ રહ્યું હતું. કોમેક્સ પર ચાંદીનો વાયદો $28.96 પર ખૂલ્યો હતો, જે અગાઉનો બંધ ભાવ $28.86 હતો. આજે સવારે 10 વાગ્યા સુધી તે $0.06 ના વધારા સાથે $28.92 પ્રતિ ઔંસ પર ટ્રેડ કરી રહ્યો હતો.