બિઝનેસ / જિયો-એરટેલ બાદ વોડાફોને કર્યો 21 ટકા સુધીનો ભાવ વધારો, રિચાર્જ કરતા પહેલા જુઓ નવા પ્લાન

રિલાયન્સ જિયો અને એરટેલ બાદ હવે વોડાફોન આઈડિયાએ ટેરિફ વધારવાની જાહેરાત કરી છે. કંપનીએ પ્રીપેડ અને પોસ્ટ-પેડ બંને પ્લાન માટે ટેરિફ વધારવાની જાહેરાત કરી છે. આ 4 જુલાઈથી અમલમાં આવશે. ટેલિકોમ સેવા પ્રદાતાઓએ યોજનાઓમાં 10-21%નો મોટો વધારો કર્યો છે.

વોડાફોન નવા ટેરિફ

અનલિમિટેડ વૉઇસ પ્લાનની વાત કરીએ તો 28 દિવસ માટે 179 રૂપિયાનો પ્લાન 199 રૂપિયાનો થઈ ગયો છે. 459 રૂપિયાનો પ્લાન 84 દિવસ માટે 509 રૂપિયાનો બની ગયો. 365 દિવસ માટે 1799 રૂપિયાનો પ્લાન 1999 રૂપિયાનો થઈ ગયો. 269 ​​અને 299 રૂપિયાનો 28 દિવસનો પ્લાન 299 અને 349 રૂપિયાનો થઈ ગયો છે. 319 રૂપિયાનો 1 મહિનાનો પ્લાન 379 રૂપિયાનો થઈ ગયો છે. ડેટા એડ-ઓન પ્લાનની વાત કરીએ તો 19 રૂપિયાનો પ્લાન 22 રૂપિયાનો અને 39 રૂપિયાનો પ્લાન 48 રૂપિયાનો બની ગયો છે. આ પ્લાન્સની વેલિડિટી 1 અને 3 દિવસની છે.

પોસ્ટ-પેઇડ પ્લાનની વિગતો

પોસ્ટ-પેડ પ્લાન વિશે વાત કરીએ તો, રૂ. 401,501નું વ્યક્તિગત માસિક ભાડું હવે વધીને રૂ. 451,551 થઈ ગયું છે. ફેમિલી પ્લાન 601, 1001 રૂપિયાથી વધીને 701, 1201 રૂપિયા થઈ ગયો છે.

વધુ વાંચોઃ Jioએ આપ્યો ડબલ ઝટકો! બે સસ્તા રિચાર્જ કર્યા બંધ, ફ્રી 5Gમાં પણ નિયમને આધીન કાપ

એરટેલ અને જીયોનાં પ્લાન

એરટેલે ટેરિફમાં 10-21%નો વધારો કર્યો છે. નવા પ્લાન મુજબ 179 રૂપિયાનો પ્લાન હવે 199 રૂપિયામાં ઉપલબ્ધ થશે. પ્રીપેડ ટેરિફમાં દરરોજ સરેરાશ 70 પૈસાથી ઓછો વધારો થયો છે. પોસ્ટપેડ પ્લાનમાં 10-20%નો વધારો થયો છે. 399 રૂપિયાનો પોસ્ટપેડ પ્લાન હવે 449 રૂપિયામાં ઉપલબ્ધ થશે. વધેલા દરો 3 જુલાઈથી લાગુ થશે. રિલાયન્સ જિયોએ પણ રિચાર્જ પ્લાન મોંઘા કર્યા હતા. કંપનીએ બુધવારે પણ આ અંગે માહિતી આપી હતી. Jio દ્વારા કહેવામાં આવ્યું હતું કે રિચાર્જ પ્લાન 15 થી 25 ટકા મોંઘા થવા જઈ રહ્યા છે. રિલાયન્સ જિયોના નવા પ્લાન 3 જુલાઈથી લાગુ કરવામાં આવશે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ