સ્પોર્ટ્સ / રોહિતથી લઇને બુમરાહ સુધી.., ICCએ કર્યું T20 વર્લ્ડકપની 'ટીમ ઓફ ધ ટુર્નામેન્ટ'નું એલાન, કોહલી OUT કે In?

Last Updated: 11:16 AM, 1 July 2024

FOLLOW ON

શેર કરો

ICCએ T20 વર્લ્ડ કપ 2024ની ટીમ ઓફ ધ ટુર્નામેન્ટની જાહેરાત કરી છે. ભારત અને અફઘાનિસ્તાનનું વર્ચસ્વ ધરાવતી 12 સભ્યોની ટીમમાં 6 ભારતીય અને 3 અફઘાન ખેલાડીઓનો સમાવેશ કરવામાં આવ્યો છે.

રોહિત શર્માની કેપ્ટન્સીમાં ભારતીય ક્રિકેટ ટીમે પહેલી વખત T20 વર્લ્ડ કપનો ખિતાબ જીત્યો હતો. રોહિત શર્માએ વર્ષ 2007 પછી એટલે કે 17 વર્ષ પછી ભારત માટે આ ટ્રોફી જીતી છે ટીમ ઈન્ડિયા ચેમ્પિયન બન્યા બાદ ઈન્ટરનેશનલ ક્રિકેટ કાઉન્સિલ (ICC) એ ટી20 વર્લ્ડ કપ 2024 માટે ટીમ ઓફ ધ ટુર્નામેન્ટની પસંદગી કરી છે. ICC દ્વારા તેની ટીમમાં સામેલ 11 ખેલાડીઓમાં રોહિત શર્મા સહિત 6 ભારતીય ખેલાડીઓ છે.

ICC Team Of The Tournament:

Rohit, Gurbaz, Pooran, Surya, Stoinis, Hardik, Axar, Rashid, Bumrah, Arshdeep and Farooqi. pic.twitter.com/mtpcpJ1PGR
— Mufaddal Vohra (@mufaddal_vohra) June 30, 2024

ICCએ T20 વર્લ્ડ કપ 2024ની ટીમ ઓફ ધ ટુર્નામેન્ટની જાહેરાત કરી છે. ભારત અને અફઘાનિસ્તાનનું વર્ચસ્વ ધરાવતી 12 સભ્યોની ટીમમાં 6 ભારતીય અને 3 અફઘાન ખેલાડીઓનો સમાવેશ કરવામાં આવ્યો છે. સાઉથ આફ્રિકાના એક ખેલાડીને ટીમમાં સ્થાન મળ્યું છે. સાથે જ વેસ્ટ ઈન્ડિઝ અને ઓસ્ટ્રેલિયાનો એક-એક ખેલાડી ઈલેવનમાં સ્થાન મેળવવામાં સફળ રહ્યો છે. ટુર્નામેન્ટમાં ભાગ લઈ રહેલી 20 ટીમોમાંથી 15માંથી એક પણ ખેલાડી ટીમમાં સ્થાન મેળવવામાં નિષ્ફળ રહ્યો છે.

ICCએ ટીમમાં ઓપનર તરીકે રોહિત શર્મા અને રહેમાનુલ્લા ગુરબાઝની પસંદગી કરી છે. ગુરબાઝ (281) ટુર્નામેન્ટમાં સૌથી વધુ રન બનાવનાર ખેલાડી હતો જ્યારે રોહિત શર્મા (257) તેના પછી બીજા ક્રમે હતો. વેસ્ટ ઈન્ડિઝના વિકેટકીપર બેટ્સમેન નિકોલસ પૂરનને ટૂર્નામેન્ટમાં 228 રન ફટકારીને ત્રીજા સ્થાન પર બેટિંગ કરવાની જગ્યા મળી છે. જ્યારે સૂર્યકુમાર યાદવ પોતાની બે અડધી સદીની ઇનિંગ્સના દમ પર ચોથું સ્થાન મેળવવામાં સફળ રહ્યો છે. તેને 199 રન બનાવ્યા હતા.

2022 T20I World Cup - 116 runs.

2024 T20I World Cup - World Cup winning Captain, team of the tournament, Leading run getter for India.

ONE OF THE GREATEST COMEBACK STORIES EVER, THIS IS ROHIT SHARMA 🇮🇳 pic.twitter.com/GYs1lOkGFr
— Johns. (@CricCrazyJohns) July 1, 2024

ઓસ્ટ્રેલિયાનો ઓલરાઉન્ડર માર્કસ સ્ટોઈનિસ ICC ટીમમાં પાંચમા સ્થાને છે જ્યારે ભારતના ઓલરાઉન્ડર હાર્દિક પંડ્યાને છઠ્ઠા સ્થાને રાખવામાં આવ્યો છે. ભારતીય સ્પિન ઓલરાઉન્ડર અક્ષર પટેલને સાતમા નંબરે જ્યારે અફઘાનિસ્તાનના સ્પિન ઓલરાઉન્ડર રાશિદ ખાનને ટીમમાં આઠમા નંબરે રાખવામાં આવ્યો હતો. આ ટૂર્નામેન્ટમાં પ્લેયર ઓફ ધ સિરીઝ બનનાર જસપ્રીત બુમરાહ પણ ICC ટીમમાં જગ્યા બનાવવામાં સફળ રહ્યો હતો, જ્યારે ભારતના સૌથી વધુ વિકેટ લેનાર અર્શદીપ સિંહ (17 વિકેટ) અને અફઘાનિસ્તાનના ફાસ્ટ બોલર ફઝલહક ફારૂકી (17 વિકેટ) પણ સામેલ હતા. જોકે, ICCએ પોતાની ટીમમાં કોઈને કેપ્ટન બનાવ્યા નથી.

વધુ વાંચો: કપિલ દેવનું થયું બીલનું ટેન્શન, 1983 વર્લ્ડ કપ જીતની પાર્ટીનું રહસ્ય ઘેરાયું, વિશ્વ વિજેતાનો કિસ્સો

T20 વર્લ્ડ કપ 2024 ટીમ ઓફ ધ ટુર્નામેન્ટ (ICC)

રોહિત શર્મા, રહેમાનુલ્લા ગુરબાઝ, નિકોલસ પૂરન, સૂર્યકુમાર યાદવ, માર્કસ સ્ટોઇનિસ, હાર્દિક પંડ્યા, અક્ષર પટેલ, રાશિદ ખાન, જસપ્રિત બુમરાહ, અર્શદીપ સિંહ, ફઝલહક ફારૂકી.