દુનિયા સૌથી ધનિક 10 દેશોમાં ભારત છઠ્ઠા સ્થાન પર છે. એક રિપોર્ટ અનુસાર ભારત 8230 અબજ ડૉલરની સંપત્તિની સાથે વિશ્વમાં છઠ્ઠો સૌથી ધનિક દેશ છે. આ મામલામાં અમેરિકા ટોચના સ્થાન પર છે. ‘અફ્રએશિયા બેંક ગ્લોબલ વેલ્થ માઇગ્રેશન રિવ્યુ’ની રિપોર્ટમાં આ રેન્કિંગ આપવામાં આવ્યો છે. ભારતીયોની અંગત સપત્તિ 2016થી 2017ની વચ્ચે 25% વધી છે.
રિપોર્ટ અનુસાર અમેરિકા 62 584 અબજ ડૉલરની સંપત્તિની સાથે પહેલા સ્થાન પર છે જે પછી 24 803 અબજ ડૉલરની સંપત્તિની સાથે ચીન બીજા સ્થાન પર અને 19 522 અબજ ડૉલરની સાથે જાપાન ત્રીજા સ્થાન પર છે.
બેંકના રિવ્યુમાં કોઇ પણ દેશની દરેક વ્યકિતની કુલ અંગત સંપત્તિના આધારે નક્કી કરવામાં આવી છે. ટૉપ 10માં શામેલ બીજા દેશમાં બ્રિટેનની કુલ સંપત્તિ 9919 અબજ ડૉલર જર્મની કુલ સંપત્તિ 9660 અબજ ડૉલર ઑસ્ટ્રેલિયાની કુલ સંપત્તિ 6142 અબજ ડૉલર કેનેડાની કુલ સંપત્તિ 6393 અબજ ડૉલર ફ્રાંસની કુલ સંપત્તિ 6649 અબજ ડૉલર અને ઇટલીની કુલ સંપત્તિ 4276 અબજ ડૉલર છે.
રિપોર્ટ અનુસાર ભારતમાં સંપત્તિ સૃજનનાં કારણોમાં ઉદ્યમીઓની મોટી સંખ્યા સારી એજ્યુકેશન સિસ્ટમ ઇન્ફોર્મેશન એન્ડ ટેક્નોલોજી (IT)નું રિબસ્ટ આઉટલુક બિઝનેસ પ્રોસેસનું આઉટસોર્સિંગ રિઅલ એસ્ટેટ હેલ્થ કેર અને મીડિયા સેક્ટરનો સમાવેશ થાય છે. છેલ્લાં 10 વર્ષમાં આ સેક્ટર્સમાં બિઝનેસમાં 200% નો વધારો થયો છે.
બેંકે કહ્યું છે કે આવનારા દશકમાં ચીનની સંપત્તિમાં નોંધપાત્ર વૃદ્ધિ થવાની છે. વર્ષ 2027 સુધી ચીનની સંપત્તિ વધીને 69 449 અબજ ડોલર અને અમેરિકાની સંપત્તિ વધીને 75 101 અબજ ડોલર થઈ જશે.
રિપોર્ટ અનુસાર વિશ્વમાં અત્યારે 1.52 કરોડ એવા લોકો છે જેની સંપત્તિ 10 લાખ ડોલરથી વધુ છે. એક કરોડ ડોલરથી વધુની સંપત્તિ ધરાવતા લોકોની સંખ્યા 5.84 લાખ અને એક અબજ ડોલરથી વધુની સંપત્તિ ધરાવતા લોકોની સંખ્યા 2 252 છે. રિપોર્ટ અનુસાર 2027 સુધી ભારત બ્રિટન અને જર્મનીને પાછળ છોડી વિશ્વનો ચોથો સૌથી અમીર દેશ બની જશે.
