જયોતિષ શાસ્ત્ર / ઉધાર આપેલા રૂપિયા લાંબા સમયથી અટવાયા છે? આ ઉપાય કરવાથી પરત મળશે પૈસા

સમાજમાં અનેક લોકોએ એવા હોય છે, જેમને કોઈને ઉધાર પૈસા આપ્યા હોય અને તેમના પૈસા પછી પરત નથી મળતા. અમુક કિસ્સામાં આ ઉધાર આપેલા પૈસા પરત મળશે તેવી આશા પણ છોડી દેવામાં આવે છે. તેના કારણે ઉધાર આપનાર વ્યક્તિને કંગાળ થવાનો પણ વારો આવતો હોય છે. પરંતુ જ્યોતિષ શાસ્ત્રમાં આ સમસ્યાનો પણ ઉકેલ જણાવામાં આવ્યો છે. તે ઉપાય કરવાથી ગમે તેટલા જૂના પૈસા અટકી પડ્યા હોય તો પણ તે પરત મળે છે. આજે તે ઉપાય વિશે જાણવાનો પ્રયાસ કરીશું.

માતા લક્ષ્મીનો ઉપાય

જો તમારા પૈસા લાંબા સમય સુધી અટકી પડ્યા છે અને તે પૈસા પરત મળશે તેવી આશા પણ છૂટી ગઈ હોય તો માતા લક્ષ્મીનો ઉપાય કરવો. તેના માટે માતા લક્ષ્મી સામે પૈસા પરત મળે તેવી પ્રાર્થના કરવી. પૂજાના સમયે પીળી કોડી (cowrie) માતા લક્ષ્મીને અર્પણ કરો. બાદમાં તેને લાલ કપડાંમાં બાંધીને ત્યા રાખી દો જ્યાં તમે ધન રાખતા હોય.

હનુમાન ભગવાનનો ઉપાય

હનુમાન ભગવાન દરેક કષ્ટને દૂર કરે છે. મંગલવારને હનુમાન ભગવાનનો વાર માનવામાં આવ્યો છે. આથી મંગળવારે હનુમાન ભગવાનની પૂજા વખતે સરસવના તેલનો દીપક પ્રગટાવો. આ ઉપાય કરવાથી અટકેલા પૈસા પરત મળે છે.

આ પણ વાંચોઃ રાહુના કારણે જિંદગી થઈ ગઈ છે મુશ્કેલ ? ગોમેદ ધારણ કરવાથી મળશે શુભ પરિણામ, જાણો વિધિ

આ રીતે પણ પરત મળે છે પૈસા

જો તમે કોઇને પૈસા ઉધાર આપ્યા હોય અને તે પરત ના કરતો હોય તો આ ઉપાય પણ કારગર નિવડે છે. જેમાં તમારે દરરોજ સાંજના સમયે એક દીપક પ્રગટાવવો. આ દીપકને કપૂર અને બે લવિંગ નાખીને પ્રગટાવો. આ ઉપાય કરવાથી લાંબા સમયથી રોકાયેલા પૈસા પરત મળે છે.

Disclaimer: અહીંયા આપેલી માહિતી સામાન્ય જાણકારીઓ અને માન્યતાઓ પર આધારિત છે. VTV ન્યૂઝ તેની પુષ્ટિ નથી કરતુ

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ