દુર્લભ બીમારી / મેડિકલ જગતના રેયર કેસે ભારતમાં દેખા દીધા, દર્દ સહન કરવું મુશ્કેલ, દુનિયામાં માત્ર 24 મામલા

Bilateral Trigeminal Neuralgia : ભારતમાં પહેલીવાર એક દુર્લભ બીમારી મળી આવી છે. માહિતી પ્રમાણે આ એટલું નવું અને અનોખું છે કે ભારતમાં આ પહેલા ક્યારેય આવો કોઈ કિસ્સો પ્રકાશમાં આવ્યો નથી. અત્યાર સુધી વિશ્વભરમાં તબીબી વિજ્ઞાન સાહિત્યમાં આ બીમારીના માત્ર 24 કેસ નોંધાયા છે. તેમાંથી કોઈ પણ ભારતના નહોતા. આ અનોખા રોગનું નામ છે બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia).

મહારાષ્ટ્રમાં આ પહેલો કેસ સામે આવ્યો છે. જસલોક હોસ્પિટલ એન્ડ રિસર્ચ સેન્ટર મુંબઈના ડોકટરોની એક ટીમે અદ્યતન ન્યુરોસર્જરી દ્વારા બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) થી પીડિત 56 વર્ષીય મહિલાની સફળતાપૂર્વક સારવાર કરી. જે બાદ હોસ્પિટલે એક નિવેદન જાહેર કરીને કહ્યું કે, પ્રાથમિક બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) અત્યંત દુર્લભ રોગ છે. તેના માત્ર 0.6 થી 5.9 ટકા કેસ નોંધાયા છે. આમાં બાઈલેટરલ માઇક્રોવૈસ્ક્યુલર ડિકંપ્રેસન (MVD) કરવામાં આવ્યું હતું જેના પરિણામે દર્દીને પીડામાંથી સંપૂર્ણ રાહત મળી.

દર્દીએ આત્મહત્યા કરવાનું વિચારવાનું શરૂ કર્યું પણ અંતે થઈ સારવાર

આ બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) રોગમાં મહારાષ્ટ્રના રહેવાસી કિરણ અવસ્થીને પાંચ વર્ષથી ચહેરાની બંને બાજુએ તીવ્ર આઘાત જેવી પીડા થઈ રહી હતી. મહિલાની આ પીડા ઘણી મિનિટો સુધી ચાલુ રહેતી હતી. આ કારણે તેમને વાત કરવામાં, ખાવામાં, દાંત સાફ કરવામાં અને ઠંડી હવાના સંપર્કમાં આવવામાં પણ તકલીફ પડતી હતી. આ રોગની યોગ્ય સારવારના અભાવે મહિલાને અનેક સારવાર કરવા છતાં કોઈ રાહત મળી ન હતી. અસહ્ય દર્દના કારણે તેના માટે રોજિંદા ઘરના કામકાજ કરવા મુશ્કેલ બની ગયા હતા. તે આત્મહત્યાનો વિચાર કરવા લાગ્યા હતા.

આ પછી ગયા વર્ષે ઓક્ટોબરમાં MRI સ્કેનથી જાણવા મળ્યું કે, વૈસ્ક્યુલર લૂપ્સ તેના ટ્રાઇજેમિનલ ચેતા પર દબાણ લાવી રહ્યા હતા. તેને દ્વિપક્ષીય પ્રાથમિક બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) હોવાનું નિદાન થયું હતું. જસલોક હોસ્પિટલના ન્યુરોસર્જન રાઘવેન્દ્ર રામદાસીએ કહ્યું, બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) સૌથી પીડાદાયક સ્થિતિઓમાંની એક તરીકે ઓળખાય છે. આ દુર્લભ કેસની ભારતમાં પ્રથમ વખત બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) સાથે સફળતાપૂર્વક સારવાર કરવામાં આવી હતી. દર્દીને પાંચ વર્ષ પછી ફરીથી સામાન્ય જીવન જીવતા જોવું એ આપણા માટે સૌથી મોટો પુરસ્કાર છે.

વધુ વાંચો : રાહુલ ગાંધીએ સત્રમાં ચગાવ્યો NEETનો મુદ્દો, ભારે ઉહાપોહ બાદ લોકસભા સોમવાર સુધી સ્થગિત

જાણો કઈ દવા કરે છે અસર ?

બાઈલેટરલ ટ્રાઇજેમિનલ ન્યુરાલ્જિયા (Bilateral Trigeminal Neuralgia) રોગમાં કાર્બામાઝેપાઇન, ગેબાપેન્ટિન, લેમોટ્રીજીન અને ટોપીરામેટ જેવી દવાઓ અસરકારક છે. બાઈલેટરલ માઇક્રોવૈસ્ક્યુલર ડિકંપ્રેસન (MVD) એ શ્રેષ્ઠ સારવાર છે. દર્દીની ડાબી બાજુનું પ્રથમ ઓપરેશન કરવામાં આવ્યું હતું, ત્યારબાદ એક અઠવાડિયા પછી જમણી બાજુનું ઓપરેશન કરવામાં આવ્યું હતું. ડૉક્ટરે કહ્યું, સર્જરી પછી દર્દીને પીડામાંથી સંપૂર્ણ રાહત મળી ગઈ. આ સાથે તેનું જીવન સામાન્ય બની શકે છે. છ મહિના પછી તે હવે પીડારહિત જીવન જીવી રહી છે. આ તરફ તેમણે નવું જીવન આપવા બદલ ડોક્ટરનો આભાર માનતા કિરણે કહ્યું કે, તે મૃત્યુના દરવાજામાંથી પરત આવી છે. અસહ્ય દર્દના કારણે તે આત્મહત્યા કરવાનું વિચારવા લાગી હતી.