ટેક્નોલોજી / ભલે ફોન ગુમ થઇ ગયો, છતાંય ઘરે બેઠાં તમારો ડેટા તમે કરી શકશો ડિલીટ, જાણો ટિપ્સ

આ ટેકનોલોજીના જમાનામાં દરેક વ્યક્તિ મોબાઈલનો ઉપયોગ કરે છે. દરેકના ફોનમાં પોતાના પ્રાઈવેટ ડેટા હોય છે. ત્યારે જો ફોન ચોરી થઈ જાય કે ખોવાય જાય તો મોટી સમસ્યા ઉભી થઈ જતી હોય છે. પરંતુ શું તમે જાણો છો કે મોબાઈલ ફોન ખોવાય જાય કે ચોરી થઈ જાય તો પણ તમે ઘરે બેઠા બેઠા તમારા ફોનનો ડેટા ડિલીટ કરી શકો છો. જી હાં સારી વાત એ છે કે મોટાભાગના એન્ડ્રોઇડ ડિવાઇસમાં FIND MY DEVICE નામનું ઇનબિલ્ટ ફીચર હોય છે. તે તમને તમારા ખોવાયેલા અથવા ગુમ થયેલ ફોનને શોધવા, લોક કરવા અથવા ડેટા ડિલીટ કરવાની મંજૂરી આપે છે. અહીં અમે તમને જણાવવા જઈ રહ્યા છીએ કે તમે તેનો ઉપયોગ કેવી રીતે કરી શકો છો. Google ની Find My Device સુવિધાનો ઉપયોગ કરીને તમે તમારા ખોવાયેલા અથવા ગુમ થયેલ Android ફોનને શોધવા અને સુરક્ષિત કરવાની તકો વધારી શકો છો, જે તમને માનસિક શાંતિ આપશે. તે તમારી અંગત માહિતીને સુરક્ષિત રાખવામાં પણ મદદ કરશે.

આ બાબતો ધ્યાનમાં રાખો

• તમારો ફોન મોબાઈલ ડેટા અથવા વાઈફાઈ દ્વારા ઈન્ટરનેટ સાથે જોડાયેલ હોવો જોઈએ.
• એ પણ જુઓ કે તમારો ફોન તમારા Google એકાઉન્ટ સાથે લિંક થયેલો છે.
• ખાતરી કરો કે તમારો ફોન એન્ડ્રોઇડ 8.0 અથવા તેનાથી નવા વર્ઝન પર ચાલે છે.
• તમારા ફોનમાં FIND MY DEVICE એક્ટિવ છે તે પણ તપાસો.
• ચકાસો કે લોકેશન ચાલુ છે કે નહીં.

તમારો ખોવાયેલ ફોન શોધવા માટે આટલું કરો

FIND MY DEVICE ઍક્સેસ કરો

FIND MY DEVICE ની મુલાકાત લો અથવા અન્ય ઉપકરણ પર પ્લે સ્ટોર પરથી FIND MY DEVICE એપ્લિકેશન ડાઉનલોડ કરો.

લોગ ઇન કરો

ત્યારબાદ લોગ ઇન કરવા માટે તમારા ખોવાયેલા ફોન સાથે લિંક કરેલ Google એકાઉન્ટનો ઉપયોગ કરો.

FIND MY DEVICE

વેબસાઇટ અથવા એપ્લિકેશન તમારા ઉપકરણનું છેલ્લું સ્થાન, કનેક્ટિવિટી સ્થિતિ અને બેટરી લાઈફ બતાવશે. તમારા ફોનના વર્તમાન સ્થાન માટે દિશા નિર્દેશો મેળવવા માટે લોકેશન પિન પર ક્લિક કરો.

પ્લે સાઉન્ડ

આ ફીચર સાથે ફોન સાયલન્ટ મોડમાં હોય ત્યારે પણ 5 મિનિટ સુધી ફુલ વૉલ્યુમ પર રિંગ કરે છે. જો તમે તમારો ફોન નજીકમાં ગુમાવો છો તો આ સુવિધા મદદરૂપ સાબિત થશે.

સિક્યોર ડિવાઈસ

આ ફીચર દ્વારા ફોનને રિમોટલી લોક કરી શકાય છે. આ PIN, પાસવર્ડ અને સ્ક્રીન લોક દ્વારા કરી શકાય છે. જો તમે ઇચ્છો તો, તમે લૉક સ્ક્રીન પર જ મેસેજ અને ફોન નંબર પણ છોડી શકો છો.

વધુ વાંચો : ડાયરેક્ટ USB સોકેટથી સ્માર્ટ ફોન ચાર્જ કરનારા સાવધાન! થઈ શકે છે ડેટા હેકથી લઇને અનેક સમસ્યા

ઈરેઝ ડિવાઈસ

આ સુવિધાનો ઉપયોગ છેલ્લા ઉપાય તરીકે થઈ શકે છે. જો તમને લાગે કે તમારો ફોન શોધી શકાતો નથી અને વ્યક્તિગત ડેટા ખોટા હાથમાં આવી શકે છે. તો આ ફીચર દ્વારા તમે ફોનમાં હાજર તમામ ડેટાને ઈરેઝ કરી શકો છો.