બ્રેકિંગ ન્યુઝ
VTV / સ્પોર્ટસ / Cricket / ભારત ફાઈનલમાં ! ઈંગ્લેન્ડને 68 રને હરાવ્યું, 29 જૂને આફ્રિકા સામે મહામુકાબલો
Last Updated: 06:54 AM, 28 June 2024
રોહિત શર્માની કપ્તાની હેઠળ, ભારતીય ટીમે T20 વર્લ્ડ કપ 2024માં ધૂમ મચાવી છે અને ફાઇનલમાં પ્રવેશ કર્યો છે. ભારતીય ટીમે ગુરુવારે સેમિફાઇનલ મેચમાં ઇંગ્લેન્ડની ટીમને 68 રને હરાવ્યું હતું. આ સાથે 2 વર્ષ જૂનો બદલો પણ લઈ લીધો હતો. વરસાદના સંકટ વચ્ચેની આ મેચમાં ભારતીય ટીમે ટોસ હારીને પ્રથમ બેટિંગ કરતા 172 રનનો લક્ષ્યાંક આપ્યો હતો. જવાબમાં ઈંગ્લેન્ડની ટીમ માત્ર 16.4 ઓવરમાં 103 રનમાં સમેટાઈ ગઈ હતી. આ સાથે તેણે મેચ અને ફાઈનલની ટિકિટ ગુમાવી દીધી હતી. છેલ્લા T20 વર્લ્ડ કપ 2022ની સેમિફાઇનલમાં ઇંગ્લેન્ડે ભારતીય ટીમને 10 વિકેટથી હરાવીને બહાર કરી દીધી હતી. હવે રોહિત બ્રિગેડે એ હારનો બદલો લઈ ફાઈનલમાં પ્રવેશ કર્યો છે. બંને ટીમો વચ્ચે વર્તમાન સેમિફાઇનલ મેચ ગયાનાના પ્રોવિડન્સ સ્ટેડિયમમાં રમાઈ હતી.
ADVERTISEMENT
India advance to the #T20WorldCup 2024 Final 🇮🇳🔥
— T20 World Cup (@T20WorldCup) June 27, 2024
A dominant all-round display sinks England's title defence hopes in Guyana 👏#INDvENG | 📝: https://t.co/AlhWABPj6T pic.twitter.com/MvT7NRIlwD
ADVERTISEMENT
ભારતીય સ્પિન બોલરોએ અંગ્રેજોને કોઈ તક આપી ન હતી. હેરી બ્રુકે 25, કેપ્ટન જોસ બટલરે 23, જોફ્રા આર્ચરે 21 અને લિયામ લિવિંગસ્ટોને 11 રન બનાવ્યા હતા. આ સિવાય કોઈ બેટ્સમેન ડબલ ફિગરને સ્પર્શી શક્યો નહોતો. બીજી તરફ સ્પિનર કુલદીપ યાદવ અને અક્ષર પટેલે 3-3 વિકેટ ઝડપી હતી. જસપ્રીત બુમરાહને 2 સફળતા મળી.
India remain unbeaten 😤
— T20 World Cup (@T20WorldCup) June 27, 2024
They face South Africa in the #T20WorldCup 2024 Final in Barbados. pic.twitter.com/DumMYKfQ29
વધુ વાંચો : ગુલબદીને ફેક ઇન્જરીની એક્ટિંગ તો કરી લીધી, પરંતુ હવે મુકાશે મુશ્કેલીમાં! સજા સાંભળશો તો ચોંકી જશો
ટોસ હાર્યા બાદ પ્રથમ બેટિંગ કરવા આવેલી ભારતીય ટીમની શરૂઆત ખરાબ રહી હતી અને વિરાટ કોહલી સસ્તામાં પેવેલિયન પરત ફર્યો હતો. ભારતીય ટીમે 7 વિકેટ ગુમાવીને 171 રન બનાવ્યા હતા. કેપ્ટન રોહિત શર્માએ 36 બોલમાં ફિફ્ટી ફટકારી હતી. તેણે 39 બોલમાં 57 રનની શાનદાર ઇનિંગ રમી હતી. આ દરમિયાન તેણે 2 સિક્સર અને 6 ફોર ફટકારી હતી. જ્યારે સૂર્યકુમાર યાદવે 36 બોલમાં 47 રન બનાવ્યા હતા. રોહિત શર્માએ સૂર્યકુમાર યાદવ સાથે મળીને ઇનિંગ્સને સંભાળી હતી. બંનેએ ત્રીજી વિકેટ માટે 73 રન જોડ્યા હતા. આ સિવાય હાર્દિક પંડ્યાએ 13 બોલમાં 23 રનની ઇનિંગ રમી હતી. અંતમાં રવિન્દ્ર જાડેજાએ 9 બોલમાં અણનમ 17 રન બનાવ્યા હતા. ઈંગ્લેન્ડ તરફથી ક્રિસ જોર્ડને સૌથી વધુ 3 વિકેટ લીધી હતી. જ્યારે રીસ ટોપલી, જોફ્રા આર્ચર, સેમ કુરાન અને આદિલ રશીદે 1-1 વિકેટ લીધી હતી.
સંકળાયેલા મુદ્દાઓ
વધુ વાંચો
ICC T20 World Cup 2024 / જીત બાદ રોહિત શર્માએ બારબાડોઝના મેદાનમાં પીચની માટી ખાધી, જુઓ ભાવુક કરતો વીડિયો
T20 World Cup 2024 / 28 બોલમાં માત્ર 27 રન, તો પણ સાઉથ આફ્રિકા હાર્યું, આ રીતે ટીમ ઈન્ડિયાએ જીતી મેચ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.