જ્યોતિષ શાસ્ત્ર / કર્ક રાશિમાં થશે શુક્રનું ગોચર, 3 રાશિના લોકો પર થશે ધનની વર્ષા

શુક્ર ગ્રહ ભૌતિક સુખ સુવિધાના કારક છે. આ ગ્રહ 1 મહિના બાદ રાશિ પરિવર્તન કરે છે. હવે તે જુલાઇ માસમાં ગોચર કરશે. શુક્ર 7મી જુલાઇએ રાશિ પરિવર્તન કરી કર્ક રાશિમાં પ્રવેશ કરશે. તેનાથી દરેક જાતક પર અસર પડશે. જેમાં કેટલાક પર પ્રતિકૂળ અને કેટલાક પર શુભ પ્રભાવ પડશે. પરંતુ ત્રણ રાશિ એવી છે જેમની કિસ્મત ખુલી જશે. અચાનક ધન પ્રાપ્તિ થશે. આવો જાણીએ તે રાશિ વિશે.

કન્યા

કન્યા રાશિના લોકોને આ ગોચરથી ખુબ લાભ થશે. તમને આ સમય દરમિયાન તમારી આવક વધશે. તમે વ્યાપાર કરો છો કે નોકરી બંને વ્યવસાયમાં તમને ફાયદો થશે. નવી આવકના સ્ત્રોત ખુલશે. પૈસાની બચત થશે. જો તમે રોકાણ કરશો તો પણ લાભ થશે. સંતાન સંબંધી પણ કોઈ સારા સમાચાર મળી શકે છે.

તુલા

શુક્રના ગોચરથી તુલા રાશિના જાતકો માટે શુભ સમય આવશે. કરિયર અને વ્યવસાયમાં ખુબ લાભ થશે. જે લોકો બેરોજગાર છે તેમને નોકરી મળશે. જે નોકરિયાત છે તેમને પ્રમોશન મળી શકે છે. આત્મવિશ્વાસમાં વૃદ્ધિ થશે. જે લોકો ફિલ્મ, મીડિયા, મોડલિંગ કે પછી ફેશન ડિઝાઇન સાથે સંકળાયેલા છે તેમને પણ લાભ થઈ શકે છે.

વૃશ્ચિક

વૃશ્ચિક રાશિના લોકોનું ભાગ્ય સાથ આપશે. તમે આ દરમિયાન ખૂબ પૈસા કમાઈ શકો છો. પૈસાની બચત પણ સારી થશે. તમને વિદેશ જવાનો મોકો પણ મળી શકે છે. જે લોકો નોકરી કરે છે તેમને પ્રમોશન મળી શકે છે અને ઇન્ક્રીમેન્ટ પણ મળી શકે છે. આ દરમિયાન ધાર્મિક કામમાં પણ મન લાગશે.

Disclaimer: અહીંયા આપેલી માહિતી સામાન્ય જાણકારીઓ અને માન્યતાઓ પર આધારિત છે. VTV ન્યૂઝ તેની પુષ્ટિ નથી કરતુ.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ