ખુશખબર / હવે માત્ર 20 જ મિનિટમાં તમે પહોંચી જશો જમ્મુથી વૈષ્ણોદેવી, શરૂ કરાઇ હેલી સર્વિસ, જુઓ Video

માતા વૈષ્ણો દેવીના ભક્તો માટે સારા સમાચાર છે. જમ્મુ એરપોર્ટથી સીધી માતા વૈષ્ણોદેવી ધામ સુધી હેલિકોપ્ટર સેવા શરૂ થઈ ગઈ છે. મંગળવારે પહેલી ફ્લાઈટે ટેકઓફ કર્યું. જમ્મુ એરપોર્ટથી બે હેલિકોપ્ટર માતા વૈષ્ણો દેવી ધામના પંછી હેલિપેડ પર ઉતર્યા. આ બે હેલિકોપ્ટરમાં નવ ભક્તો માતાના દર્શન માટે પહોંચ્યા.

આ દરમિયાન ભક્તોના ચહેરા પર ખુશી જોવા મળી હતી. શ્રી માતા વૈષ્ણોદેવી શ્રાઈન બોર્ડના સીઈઓ અંશુલ ગર્ગ અને અન્ય અધિકારીઓએ ભક્તોનું સ્વાગત કર્યું. તેમને માતાની ચુંદડી ભેટ તરીકે આપવામાં આવી. તેમણે કહ્યું કે સાંઝી છતની સરખામણીમાં ઓછી ઉંચાઈ પર સ્થિત પંછી હેલિપેડ ખરાબ હવામાનથી ઓછું પ્રભાવિત થશે. આગામી બે મહિના (ચોમાસાનો સમયગાળો) અમારા માટે તેમજ હેલિકોપ્ટર સેવા સંચાલકો માટે શીખવાની તક હશે, જે અમને સેવાને વધુ સારી રીતે સમજવામાં અને વધુ બહેતર બનાવવામાં મદદ કરશે.

ભક્તોએ જણાવ્યું કે તેઓ 20 મિનિટમાં જમ્મુથી સીધા માતા વૈષ્ણો દેવી ધામ પહોંચી ગયા. તે આ પ્રવાસથી ખૂબ જ ખુશ છે. તેઓ પોતાની જાતને ભાગ્યશાળી માને છે કે તેમને માતાના દરબારમાં શરૂ થયેલી આ સેવામાં સૌ પ્રથમ ભાગ લેવાનો અવસર મળ્યો. હેલિકોપ્ટરે સવારે 11 વાગે જમ્મુથી ઉડાન ભરી અને 20 મિનિટમાં કટરા પહોંચી ગયું. આ સેવા સમયની મર્યાદાનો સામનો કરનારા, વૃદ્ધો અને બાળકો માટે સારી છે. જે યાત્રિકો એક દિવસમાં માતાના દર્શન કરીને પરત ફરવા માગે છે તેમના માટે આ હેલિકોપ્ટર સેવા વધુ ફાયદાકારક છે. આ હેલિકોપ્ટર સેવાથી ભક્તોનો સમય બચશે.

કેવી રીતે કરવું બુકિંગ

ભક્તો શ્રી માતા વૈષ્ણોદેવી શ્રાઈન બોર્ડની વેબસાઈટ http://maavaishnodevi.org દ્વારા હેલિકોપ્ટર સેવા બુક કરી શકે છે અને તેની સાથે ઉપલબ્ધ સુવિધાઓનો લાભ લઈ શકે છે. શ્રાઈન બોર્ડે જમ્મુથી વૈષ્ણો દેવી ધામ માટે હમણાં જ બે પેકેજ રજૂ કર્યા છે. પહેલું પેકેજ 35 હજાર રૂપિયા પ્રતિ વ્યક્તિનું છે, જેમાં રિટર્ન તે જ દિવસે મળશે. તેને સેમ ડે રિટર્ન એટલે કે SDR પેકેજ નામ આપવામાં આવ્યું છે. બીજું 60 હજાર રૂપિયા પ્રતિ વ્યક્તિનું પેકેજ છે, જેમાં રિટર્ન બીજા દિવસે કરવામાં આવશે. તેને નેક્સ્ટ ડે રિટર્ન એટલે કે NDR પેકેજ નામ આપવામાં આવ્યું છે.

પેકેજ સાથે કઈ સુવિધાઓ ઉપલબ્ધ થશે

SDR પેકેજમાં ભક્તોને બેટરી કાર સેવા, વહેલા દર્શન, ભૈરો જી રોપવે સેવા, નાસ્તો અને પંચમેવા પ્રસાદ આપવામાં આવશે. સાથે જ એનડીઆર પેકેજમાં એસડીઆરની તમામ સુવિધાઓ ઉપરાંત ભવનમાં રહેવાની અને અટકા આરતીમાં બેસવાની તક પણ આપવામાં આવશે અને બીજા દિવસે વાપસી કરવામાં આવશે.

વધુ વાંચો: 29 જૂનથી શરૂ થશે અમરનાથ યાત્રા, જવાના હોય તો જાણો કેવી છે આ વખતે વ્યવસ્થા

જમ્મુ અને કટરા વચ્ચેનું અંતર

જમ્મુ અને કટરા વચ્ચેનું અંતર સડક માર્ગે લગભગ 43 કિલોમીટર છે. બસ દ્વારા આ મુસાફરી એકથી બે કલાકમાં પૂર્ણ કરી શકાય છે. નોંધનીય છે કે હેલિકોપ્ટર સેવા હાલમાં માત્ર કટરા અને સાંઝી છત વચ્ચે ઉપલબ્ધ છે, જેનું વન-વે ભાડું 2100 રૂપિયા પ્રતિ વ્યક્તિ છે. જમ્મુ વિભાગના રિયાસી જિલ્લામાં ધર્મનગરી કટરાની ત્રિકુટા પહાડીઓમાં સ્થિત માતા વૈષ્ણો દેવીનું મંદિર જમ્મુ અને કાશ્મીરના સૌથી પૂજનીય સ્થાનોમાંથી એક છે. દર વર્ષે લગભગ એક કરોડ ભક્તો અહીં પહોંચે છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ