બ્રેકિંગ ન્યુઝ
VTV / Health / આરોગ્ય / ચોમાસામાં વધુ ખરે છે માથાના વાળ, આ રહ્યા મોનસૂન હેર ફોલ અટકાવવાના ઘરેલુ ઉપાય
Last Updated: 01:42 PM, 28 June 2024
ચોમાસા ઋતુની અસર શરીર પર પડે છે. આ ઋતુમાં બીમારીનું પ્રમાણ પણ વધે છે. સાથે આ ઋતુની અસર આપણા માથાના વાળ પર પણ થાય છે. ચોમાસામાં વાળ ખરવાની સમસ્યા વધી જાય છે. હવામાં ભેજ વધવાના કારણે વાળ કમજોર પડે છે. જો તમારે ખરતા વાળ અટકાવવા હોય તો કેટલાક ઘરેલુ નુસ્ખા અપનાવી શકો છો. તેનાથી માથાના વાળ મજબૂત પણ થશે અને તૂટતાં પણ અટકશે. આજે વાળ ખરતા અટકાવવાના ઘરેલુ ઉપાય વિશે જાણવાનો પ્રયાસ કરીએ.
ADVERTISEMENT
મેથીના દાણા અને નારિયેળ તેલ
માથાના વાળ માટે નારિયેળનું તેલ અને મેથીના બીજ ખૂબ ફાયદાકારક હોય છે. મેથીના બીજને નારિયેળ પાણીમાં નાખીને ગરમ કરી માથામાં લગાવાથી વાળ મજબૂત બને છે. તેને રાત્રે ગરમ કરી માથામાં લગાવી સવારે પાણીથી ધોઈ નાખવા. આમ કરવાથી વાળ ખરવાના ઓછા થાય છે. તેનાથી વાળ લાંબા સમય સુધી કાળા પણ રહે છે.
ADVERTISEMENT
ડુંગળીનો રસ
ડુંગળીનો રસ માથાના વાળની મજબૂતી વધારે છે. આના કારણે જ અનેક હેર પ્રોડક્ટમાં તેનો ઉપયોગ થતો હોય છે. ડુંગળીમાં સામેલ ફોસ્ફરસ માથાના વાળને મજબૂત બનાવે છે. તેનાથી વાળ ખરતાં અટકે છે અને નવા વાળ પણ ઉગે છે. તેને લાગાવવા પહેલા ડુંગળીને ઘસીને કે વાટીને કે પછી મિક્સરમાં ક્રશ કરીને તેને એક કપડામાં લઇ દબાવીને રસ નીકાળો. આ રસને ડાયરેક્ટ માથામાં લગાવી શકાય છે. આ સિવાય નારિયેળના તેલમાં એડ કરીને પણ લગાવી શકાય છે. તેને લગાવ્યા બાદ 1-2 કલાક પછી વાળને ધોઈ દેવા.
જાસૂદ અને આંબળા
આંબળા અને જાસૂદ માથાના વાળ માટે ખૂબ ફાયદાકરક હોય છે. જાસૂદ માથાના વાળને મજબૂતી આપે છે અને આંબળા મજબૂતી, કાળા અને ઘટાદાર પણ બનાવે છે. આ માટે તમારે જાસૂદના ફૂલ અને આંબળાને કાપીને નારિયેળના તેલમાં એડ કરો. તે મિશ્રણને ગરમ કરો. ત્યાર બાદ તેને ગાળીને માથામાં લગાવો. આખી રાત માથામાં રાખી બીજા દિવસે શેમ્પૂથી વાળા ધોઈ નાખો.
આ પણ વાંચોઃ વરસાદમાં ભીંજાયા બાદ ભૂલથી પણ ન પહેરતા લીલા કપડાં! 5 હેલ્થ ઈસ્યુનો ખતરો
લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.